|
La palora "'''Liotru'''" veni, dô nomu di ''Eliodoro'', mìticu magu catanisi, ca chê sò [[magarìa|magarii]] sfidava la putenza dô [[Cristianesimu]] facennu caminari, tra l’àutri cosi, lu liafanti di petra làvica.<br> Ntô [[778]], lu magu Eliodoro, vinni scunfiggiutu dô vìscuvu San Leone, lu Taumaturgu, ca lu fici abbruciari vivu trascinànnulu intra nu [[focu]] mistiriusu e niscènnuni sanu e sarvu sulu iddu.
==Urìggini dâ stàtula dô liafanti==
Pi quantu ariquarda l'urìggini e lu picchì dadâ stàtula di petra ca oggi s'attrova ntâ chiazza Domu dô [[1736]], grazzi a [[Vaccarini]], foru fatti tanti ipùtisi e di chissi sulu dui mèritanu di èssiri muntuati: la prima è chidda dô stòricu [[Petru Carrera]] di [[Militeddu]] ([[1571]] – [[1647]]) ca ntô sò libbru ''Mimorie Historiche di Catania'', lu spieca comu nu sìmmulu di vittoria militari dê catanisi sùpira li lìbbici; ss’ipùtisi vinni rapprisintata nta nu tiluni dô tiatru [[Vicenzu Bellini|Bellini]] di Catania, picchì lu pitturi Sciuti ntô [[1890]], ppi l'inaugurazzioni dû tiatru, addipingiu propiu st’avvinimentu stòricu.<br> L’ipùtisi cchiù megghiu è pirò chidda dô giògrafu àrabbu Idrisi ntontô XII sèculu: secunnu Idrisi, lu liafanti di Catania è na stàtula màggica, custruita ppi tèniri luntanu la [[lava]] di l'[[Etna]] dâ cità. <br>St’urtima spiecazzioni è chidda ca pari aâ megghiu pô ''' Liotru''', a cui li catanisi sù divotìssimi, tantu di minazzari na summossa pupulari quannu ntô [[1862]] si prupuniu di spustari lu '''Liotru''' dâ chiazza Domu aâ luntana chiazza Palestru.
N’àutra vuci , menu rumantica di chiddi sùpira muntuati , ma ca pippi duviri di crònaca purtamu lu stissu, dici ca prubbabbirmenti lu liafantu è d’èbbica bizzantina; nfatti, dopu li nvasioni dê [[ Vannali]] ntô V sèculu, Catania passau pi tri sèculi sutta li bizzantini, e appoi sutta la duminazzioni di l’ àrabbi, ca chiamaru Catania propiu ''"Balad-el-fil",'' o ''"Medinat-el-fil", '' zoè ''"cità dô liafanti".''
[[Category:Liggenni]]
[[Category:Catania]]
|
