"Turi Giulianu" : Diffirenzi ntrê virsioni

==Nàscita di nu bannutu==

Quannu, ntô [[1943]], s'eppi lu sbarcu 'n [[Sicilia]] dê [[mèrica|miricani]], li surdati dutischi scappàvanu e nta ssu fujiri facìanu câ pupulazzioni lucali lu scànciu cu zoccu avìanu di scanciari pô pani o àutri cosi di maciari. Turiddu scanciò pani pi na pistola.<br>

Lu dui [[sittèmmiru]] [[1943]], Turiddu Giulianu, cô sò [[mulu]], stava turnannu di [[San Giuseppi Jatu]], unni avìa accattatu na para di sacchi di [[frummentu]] ô mircatu nìuru. 'N cuntrata "quattru mulini", vinni firmatu di quattru [[carabbinera]] ca ci siquistraru lu frummentu e lu vulìanu purtari ô prisìdiu miricanu di San Giuseppi Jatu. Turiddu li prijau di lassàrilu jiri, ca lu frummentu era pâ famigghia, e ci detti lu sò ducumentu di ricanuscimentu pê cuntrolli, ca iddu era nu bonu [[Cristianu (pirsuna)|cristianu]] e ca nun avìa mai avutu a chi fari câ liggi. Ntô mentri arrivaru di luntanu àutri cuntrabbannera e unu dê carrabbinera e n'appuntatu jeru p'abbluccari a chisti. Turiddu, ntâ cunfusioni, ivu pi scappari, ma nu carabbineri ci sparau pigghiànnulu ntô pettu. Giulianu arrispunnìu ô fucu dû carabbineri e chistu cascau 'n terra mortu. Vinni assicutatu, ma arriniscìu a scappari. Stetti ammucciatu ntê cullini di [[Muntilepri]] picchì a sò casa lu jèvunu circannu, ca avianu ntê manu li documenti ca iddu ci avìa lassatu.<br>

 

==Nnipinnintismu sicilianu e mafia==