"Turi Giulianu" : Diffirenzi ntrê virsioni

Li sò rapporti cu li mmenti di lu nnipinnintismu sicilianu, accussì comu chiddi cu la [[mafia]], forru cuntruversi. Secunnu la maiuri parti dî tiurìi 'n circulazzioni, Giulianu fu usatu comu na pidina 'n manu a l'una o a l'àutra urganizzazzioni. Cirtamenti avìa nu putiri granni di cummattenti clannistinu. Lu [[1 di maiu]] [[1947]] cumannau la straggi di [[Purtedda dâ Ginestra]], unni forru ammazzati ùnnici pirsuni (dui [[picciriddu|picciriddi]] [[fìmmina|fìmmini]] e novi [[Cristianu (pirsuna)|cristiani]] granni) e chiòssai di cinquanta firiti; pirò, sicunnu cirtuni isami di balìstica ca foru fatti, arrisurtau ca fussi statu mpussìbbili curpiri li vìttimi câ traittòria di trasuta dê pruièttuli di unni èranu appustati Giulianu e li sò òmini (li carrabbinera dìssiru ca iddu avìa sparatu di na cuddina) e, ô cuntrariu, vinni accirtatu ca a sparari foru cristiani â stissa autizza dê morti e dê firiti.