"Mazzarinu" : Diffirenzi ntrê virsioni

'''Mazzarinu''' è un cumuni di 12.421 abbitanti dâ [[pruvincia di Caltanissetta]], è un cumuni daveru anticu, 'nfatti, Mazzarinu è n'anticu borgu feudali a cinqucintu metri d’autizza, divindò na piccidda capitali politicu-curturali grazi a Carafa Branciforti principi di Butera, u paisi tra u XVII e u XVIII seculu, si inchì di monumenta di qualità, tra li quali oltri venticicu chîsi di quasi tutti l'ordini religiusi.

 

Dominatu da rannizza du castello, chi tutti chiamanu [[U Cannuni]] pirchì c'è na torri sula sana chi è longa e pari un cannuni, probabilmenti di origini romani-bizantini, putinziatu pui di li Normanni. Mazzarinu è unu dilli centri storici cchiu nteressanti da Sicilia. havi n'impiantu urbanisticu chi è databili o ‘700. A Mazzarinu ci sunnu tanti festi, ma li cchiu belli sunnu chiddi religiusi. A santa patruna di Mazzarinu è a [[Madonna du Mazzaru]] e si festeggia a terza duminica di sittembri, ppi sta festa si conza na fera chi ddura tri jorna (Sabbatu, Duminica e Luni), e veninu tanti genti di li paisa vicini.

Nautra festa mportanti di Mazzarinu è [[u Signuri di maju]] e si festeggia a prima duminica di Maju, sta festa è tantu sintuta pirchi si dici chi u Signuri di Maju sarvò u paisi di mazzarinu quannu ci fu nu granni terrimotu. A particolarità di stà festa è chi a vara du Signuri a portanu li confrati a spadda e sti confrati su tutti nudi e hannu sulu na tunica bianca di ncuddu, un'hannu mancu li scarpi; ppi li ggenti è usanza chi quannu passa u signuri si c'hanna ittari li collani fatti ccù li marghiriti gialli, (ciuri tipicu du misi di maju), sti collani jittati ncapu a vara a fannu addivintari pisanti, tantu chi li confrati a sbattulianu ppi falli cadiri, propriu sti sbattuliuna renninu caratteristica a festa.