"Cummerciu di nivi di l'Etna" : Diffirenzi ntrê virsioni

La [[nivi]] s'arricogghi idda stissa nta granni nzinaturi, ditti ''tacchi'', di unni veni livata cu na serij di upirazzioni. La prima di st'upirazzioni veni fatta ntô misi di [[uttùviru]], unni si pulizzìanu li tacchi, livari li [[petra|petri]] ca ci avìssuru cascatu d'intra, e li fogghi e la spurcizzia c'arristau dopu la cugghiuta dâ nivi di l'annu apprima. Dopu, quannu li tacchi s'hann'a incutu di nivi dâ [[mmirnata]], ntô misi di [[marzu]] na squatra di 50 o 60 upirai si ni và ntâ [[etna|muntagna]] e, azziccannu asti longhi di ferru, cuntrolla l'autizza dâ nivi; di ora s'accumencia lu travagghiu dâ priparazzioni dô scavu, ca veni fattu sulu ntê zoni unni la nivi è àuta non cchiù picca di tri metri. Lu scavu veni fattu di notti, picchì iddu arrisurtassi troppu faticusu di [[jornu]], quannu lu [[suli]] fà squagghiari la supirfici nivusa. Câ luci dâ luna e dê làmpari a pitròliu, l'upirai cummògghiunu la supirfici dâ zona di unni s'hà scavari cu nu solu di cìnniri àutu 30 cintìmitri, mentri ca ntô [[bordu]] veni misa cìnniri pô dùppiu; lu scopu di ssa cupirtura è chidda d'addifènniri la nivi dô suli. Nta ssu modu si pripàranu , a secunnu di l'abbunnanzia dâ nivi, quattru o cincu ''tacchi'' ca vènunu assignati a nu mprindituri, ca si lassa la citati di [[Catania]] senza nivi, hà pajari na pena granni di sordi.<br> Quannu arriva â [[stati]], si sbarazza la cìnniri dâ nivi e appoi si sparti la supirfici nta na riti di tanti [[rittànculu|rittànculi]] prufunni nzinu a nu metru e menzu, sirvènnusi di strumenti di ferru. Duranti lu jornu, tanticchia di nivi si squagghia, l'acqua ca si furma trasi intra li sorchi e chista ntâ notti ca veni si cungela: nta ssa manera, la nivi pò èssiri spartuta nta blocchi [[Parallelipìpidu|parallelipìpidi]] chê facci cungilati. Sti blocchi vènunu tutti ammugghiati cu fogghi di felci e di castagnu e misi intra sacchi, ca, misi a dui pi ogni mulu, vènunu scinnuti a Catania e spartuti ddocu e ntê cità vicini.

N'àutru franzisi, [[Jean-Pierre-Louis-Laurent Hoüel|J. Hoüel]], ntô [[1777]] diceva ca lu cummerciu dâ nivi di l'Etna impignava migghiara di muli, di cavaddi e òmini; essennu granni assai-assai lu cunsumu di idda nta tutta l'Ìsula, unni nuddu sapeva privarisinni. L'usu d'arrifriddari li [[vìppita|vìppiti]] si pinzava ndispinzàbbili pi la saluti e la caristìa dâ nivi cunzidirata cû stissu dannu di chidda dû [[vinu]] e di l'[[ogghiu]]. Cunta sempri J. Hoüel ca, truvànnusi a [[Sarausa]] nta un jornu di caristìa di nivi, e passannu pri mari na [[varca]] càrica di nivi, li Sarausani curreru a l'arrimbaggiu e custrìnsiru la cunsegna dû càricu: ô rifiutu di l'equipaggiu, passaru a gravi viulenzi, cu la pèrdita di arcuni di iddi ntô cunfrittu. ''(Hoüel,op.cit.,t.II,p.82)''

N'àutru ngrisi, Irvine, ntô tempu ca stetti ntra nuatri, arristau sempri surpresu dâ manìa dê Siciliani pê cosi friddi: ''raggiuni di li cchiù ardenti disiderî comu lu "gin" pi li "pescivendole" ngrisi. '' - ''Ci n'eranu spacci unni ègghè. Genti pòvira, macari cinciusa, attruvava lu sò bajoccu pri accattarasinni, e cui è ca lu puteva fari, s'agghiacciava li vìppiti 'n casa. Lu scrusciu c'avvineva d'avanti li negozzî di nivi arrivata di picca di l'Etna, pigghiava caràttiri di veru tumultu, picchì chisti vinèvunu assartati di na fudda scumpigghiata, ca pi nu furasteri pareva si facissi n'omicidiu''. ( W.Irvine, LetersLetters on Sicily, pp.28-30. London, 1813)