[[Mmàggini:Bactrian Camel b d.jpg|thumb|300px|Nu camiddu dâ speci: ''Camelus bactrianus''.]]
Lu '''camiddu''' (''Camelus bactrianus'') è nu quatrùpidi grossu ruminanti dû gèniri ''Camelus'' bactrianuse dâ [[Famigghia (bioluggìa)|famigghia]] ''Camilidae'' origginariu dî zoni disèrtichi o stippusi di l’[[Asia]] cintrali. Lu termini ''camiddu'' è usatu puru pi innicari n'àutru armali assai simili, e chi havi na parintela stritta cû camiddu, lu [[drumidariu]] chi vivi ntô [[Mediu Orienti]], e 'n [[Africa]] dû nord. Cu pilu brunu, li sò diminsioni pònnu arrivari a dui o tri metri di autizza. La sò particularitati è la prisenza di dui imma (n'immu sulu pi lu drumidariu). Carattirizzatu di na risistenza granni a cunnizzioni climatichi avversi, lu camiddu è puru n'armalu di soma affiddabbili e rilativamenti còmutu pi travirsari strati tracciati ntâ rina di nu [[desertu]] o trazzeri di muntagna unni puru li màchini s'attròvanu 'n difficulta.
