"Etna (vurcanu)" : Diffirenzi ntrê virsioni

L' '''Etna''' (o '''Èttina''', e chiamatu puru '''Èttena''' ntô calabbrisi centru-miridiunali) è nu vurcanu attivu nti la parti est di la [[Sicilia]], tra [[Catania]] e [[Missina]]; cunfina a est cô [[Mari Joniu]], a nord cô ciumi [[Alkantara]] e li rilevi dê munti [[Munti Nèbbrudi|Nèbbrudi]] e Piluritani, a ovest cô ciumi [[Simetu]] e a sud ancora cô Simetu e câ Chiana di Catania.<br /> È lu vurcanu cchiù granni di l'[[Europa]] e la muntagna cchiù àuta d'Italia ô sud di l'[[Alpi]]: havi un basamentu di 1600 Kmq e havi n'autizza suggetta a canciamenti cuntìnui (oggi è di 3.320 m s.l.m..); lu sò pirìmitru è di 150 Km e havi na stinzioni di quarchi 60 Km versu N-S e di quarchi 40 Km versu E-O.

== Gioluggìa ==

[[ImageFile:Cart-Giarre.jpg|right|280px]]

Sta fascia si stennni finu a na quota di 600 metri.<br />

La secunna fascia, ditta '''''"zona buschiva"''''', si parti di 600 metri e arriva sinu a 2000 metri di quota.<br />

=== Li grutti ===

Tra li biddizzi di sta muntagna, s'hà parrari dê tanti [[Grutta|grutti]] vurcànichi ca si furmaru ntô mentri di l'eruzzioni ca s'èppiru nta migghiara d'anni. Nta li splurazzioni foru attruvati assai tracci di friquintazzioni protustòrichi ca risàlunu ammeri ô XII/IX sèculu a.C. e, 'n modu particulari, lijati ô pirìudu chiamatu "[[Castellucciu|Castelluccianu]]".<br />

L'Etna, ca jetta ciumi di focu ntê cianchi dû sò conu munumentali e ca minazzza di vurricari paisi sani, è n'asempiu dâ forza tirrificanti e dâ putenza di nu [[vurcanu]]. Eppuru, parrannu 'n modu strittamenti giulòggicu, sta grannìssima muntagna vurcànica è nà furmazzioni rilativamenti ricenti, e è dispìcili ca manteni la forma ca havi ora pi tantu àutru tempu ancora.<br /> L'Etna nascìu quarchi 600.000 anni fa, quannu la [[lava]] vurcànica niscìu fora dô funnu dû mari e furmau nu ''conu a Calanna''. Ntâ l'èbbichi si furmaru àutri coni, oppuru ssi stissi coni si sdirubbaru ntornu a lu primu duranti li ripituti erruzzioni. Lu conu chiù àutu ca si furmau nu pocu cchiù a ovist di chiddu urigginariu, era a ''Mungibeddu'', e è chistu lu puntu cchiù àutu di l'Etna di oggi.<br /> Li erruzzioni distruttrici di l'Etna, hannu avutu sempri la carattirìstica di supprènniri li pupulazzioni umani. Ntô 122 d.C., n'erruzzioni di l'Etna distruggìu la cità di [[Catania]], ntô 1381 la lava scinnuta dâ muntagna, arrivau nta lu portu di Ulissi rinnènnulu nun cchiù utilizzàbbili. Ntô [[1699]] l'abbitanti di Catania circaru di diviari lu caminu dû turrenti di lava pi alluntanàrilu dâ citati, custruennu nu vastiuni e mittènnucci ntâ strata peddi di [[coiu]], ma â mprisa fallìu pi causanza di l'abbitanti di [[Patirnò|Paternò]], ca si scantaru ca la lava putìa èssiri diviata agghiri li sò [[Jardinu (agrumetu)|jardini]] e casi; pi chissu, Catania e arcuni àutri paisi ntornu a idda, foru danniggiati gravimenti. Ntô [[1974]] ci foru àutri erruzzioni (cchìu nichi, pi furtuna, di chiddi dû passatu) e la fùria distruttiva dâ muntagna vinni arripigghiata cu na [[pillìcula]].<br /> La pillìcula ammustrava turrenti di lava nfucata ca scinnèvanu pi li pinnici dô munti dànnuci focu a tutti li cosi; ammustrava macari li cuntadini ca prijavunu picchì li campi e li casi fùssuru sparagnati di li turrenti di focu, sempri cchiù minacciusi e chini di cìnniri e di scorî.<br /> Li siciliani di sta parti dâ Sicilia, hannu sempri prijatu pi èssiri sarvati dâ fùria dû vurcanu Etna. Ntâ l'èbbica clàssica l'aduraturi dâ [[Dia Cereri|Dia Cèreri]] facìanu prucessioni sùpira li sò pinnici; ntô tridicèsimu sèculu li catanisi purtaru lu velu di [[Sant'Àgata (màrtiri)|Sant'Ajta]] 'n prucessoni e ancora oggi idda veni nvucata pi prutezzioni dô vurcanu.

L'Etna è unu dî vurcani cchiù attivi dû munnu. La sò attivitati, quasi cuntìnua e riulari, pirmetti la prisenza di nu centru nazziunali di [[vulcanuluggìa]] ca è a l'avanguardia nta la ricerca scintìfica supra li vurcani.<br /> L'Etna è nu gicanti rilativamenti gintili e binìvulu e li sò erruzzioni sunnu miti. Nfatti, lu magma prisenti nta l'Etna è cchiù frùidu e menu viscusu di chiddu di àutri vurcani, accussì i gas ntrappulati arrinèsciunu a fùjri cchiù facirmenti. Quannu la lava è tantu viscusa di èssiri quasi sòlida, li gas nun ponnu ca nèsciri ccu viulenza; ssu tipu di splusioni hà pruvucatu ntâ àutri vurcani dô munnu, arcunui di li cchiù granni catàstrufi ca s'arricòrdunu.<br /> Una di chissi fu la famusa splusioni dû [[Visuviu]] ntô 79 d.C., ca pigghiau di surprisa l'abbitanti di [[Pompei]], cu na [[chioggia]] di cìnniri ncanniscenti e di gas tòssichi e turrenti di lava, ca lassaru tantu la cità ca li sò abbitanti petrificati, comu fùssuru misi nta na màchina dû tempu, pirfittamenti sarvati sutta la lava.

=== Li trimoti di l'Èttina ===