"Riunificazzioni tudisca" : Diffirenzi ntrê virsioni

 

La riunificazzioni tudisca succidìu lu [[3 di uttùviru]], [[1990]], quannu li tirritorî di l'ex [[Ripùbblica Dimucràtica Tudisca]] (RDT, chiamata spissu la "Girmania Est") vìnniru ncurpurati nnâ [[Ripùbblica Fidirali Tudisca]] (RFT, o cchiù urdinariamenti "Girmania Ovest"). Doppu li primi elizzioni lìbbiri nnâ Girmania Est, tinuti lu [[18 di marzu]], [[1990]], li trattativi tra la RFT e la RDT culminaru nt'un Trattatu di Unificazzioni, mentri li trattativi tra li du Girmanî e li quattru putenzi accupanti pruduceru lu "[[Trattatu dui cchiù quattru]]", chi garantìa la ndipinnenza cumpreta ôn statu tudiscu riunificatu. La [[Girmania]] riunificata arristau un paisi parti dâ [[Cumunità Europea]] (e poi di l'[[unioni Europea]]) e dâ [[NATO]]. Lu tèrmini "riunificazzioni" veni usatu ncuntrastu câ [[Mperu Girmànicu|prima unificazzioni]] dâ Girmania ntô [[1871]].

 

== Arreri ==

Sutta la guida dû primu ministru Lothar de Maizière, la Girmania Est nicuzziau câ Girmania Ovest, lu Regnu Unitu, la Francia, li Stati Uniti e l'Unioni Suviètica li cundizzioni pi na riunificazzioni tudisca. Nustanti ca fussi dispunìbbili a ricunziddirari la sò prima cuntrapusizzioni â riunificazzioni, l'Unioni Suviètica nun vulìa ca la Girmania Est fussi na parti dâ culliganza di NATO. Dunca arrivaru ôn accordu chi pirmittìu â Girmania d'arristari parti dâ NATO câ limitazzioni ca surdati dâ NATO nun avvìssiru a èssiri stanziati nnî tirritorî dâ Girmania livanti.

 

 

Paru paru ê discussioni multilatirali, discussioni bilatirali foru tinuti tra li cuverni tudischi di Est e Ovest, li quali lu [[18 di maiu]] firmaru un accordu p'un passu ntirmediu: un unioni suciali, ecunòmica e chî du muniti, chi trasìu nforza lu primu di giugnettu. Lu [[23 di austu]] lu parramentu dâ Girmania Est (Volkskammer) appruvau la pruposta di accissioni â RFT. Lu pattu di unificazzioni ("Einigungsvertrag") tudiscu fù firmatu lu [[31 di austu]], 1990, dî rapprisintanti di RDT e RFT. Lu [[1 di sittèmmiru]], 1990, lu "Trattatu dû statu finali dâ Girmania" (difinutu accordu "dui cchiù quattru") vinni firmatu e si stabbilìu ufficialmenti la ristabbilita china suvranità dî du' stati tudischi. La Girmania fu ufficialmenti riunificata lu [[3 di uttùviru]], 1990.

[[es:Reunificación alemana]]

[[et:Saksamaa taasühinemine]]

[[fa:اتحاد دو آلمان]]

[[fi:Saksojen yhdistyminen]]

[[sv:Tysklands återförening]]

[[tr:Alman yeniden birleşmesi]]

[[vi:Thống nhất nước Đức]]

[[zh:兩德統一]]