"Apolloniu Di Bilio" : Diffirenzi ntrê virsioni

Già di carusu era purtatu versu i culura e i punsedda. Apolloniu criscì nne n’ambienti ca u stimulava assà versu a pittura. Nne primi decenni do seculu [[XIX°]] a città di [[Castrugiuvanni]] campava na frevi di rinnuvamintu nne ogni setturi dill’arti. A tradizioni pittorica, nna strata aperta di Saveriu Marchese, era ancora cchiù valorizzata da [[Paolu Vetri]] ([[1855]]-[[1937]]) ca, anchi si stava e travagliava a [[Napoli]] e nna [[Campania]], un tagliava u filu ca attaccava cca so città natali unni turnava periodicamenti ppi visitari so pà e so mà.

Nno stissu periodu iurivano a [[Castrugiuvanni]] (l’attuali [[Enna]]), nna lettiratura, Ninu Savarese ([[1882]]-[[1945]]) e Alfredu Rutella ([[1901]]-[[1957]]), nna musica, Antoniu Pregadio ([[1815]]-[[1900]]), Antoniu Rizzo ([[1838]]-[[1923]]) e Francescu Paolu Neglia ([[1874]]-[[1932]]).

N’atra ranni figura di ddi anni fu chidda di Sebastianu Sberna ([[1870]]-[[1942]]) sculturi e ebanista castiannisi ca operò a [[Firenze]], a Maglie e a [[Catania]].

Fu propriu [[Paolu Vetri]] ca s’addunò da particolari propensioni di Apolloniu Di Bilio versu l’arti pittorica, ca u ’ncoraggiò e u purtò ccu diddu cumu apprendista a [[Napoli]]. Di Bilio divintò currinnu ‘n’abili e stimatu ritrattista. Si maritò ccu Emilia Gervasi ([[1886]]-[[1967]]) ca cci detti du figli: Maria e Rosetta.

Fici un ciclu di affreschi ‘n casa Livoti a [[Enna]], affreschi ‘nne na casa gintilizia di [[Villarosa]], e ‘nno soffittu do Saluni da Provincia di [[Caltanissetta]] oltri a tanti atri opiri sia a [[Napoli]] ca a [[Roma]].

E’ di Apolloniu Di Bilio u ritrattu du papa Benedetto XV° ca si trova ’nno Duomo di [[Enna]].

Atri ‘mportanti opiri di Apolloniu Di Bilio, ca si trovanu attualmenti ‘nna città di [[Enna]], sunu i dipinti: Autoritrattu, Nudu, A matri, Pene d’amuri, L’ora do the, A figlia Maria.

A morti u cuglì a Roma, u [[20 maggiomaggiu]] [[1916]], firmannu ccu crudeltà chidda ca avissi pututu essiri ‘n’ esistenza china ‘i successi e ricca di magnifichi opiri d’arti.