"Archi dâ Marina" : Diffirenzi ntrê virsioni

 

Lu procèttu nascìu n sèchitu a li prucetti di custruzzioni firroviarii dâ [[Sucità Vittoriu Emanueli]]. Chista sucità, era ntiramenti a capitali [[francisi]] e s'ava pigghiàtu lu postu di la sucità livurnìsi ''Adami e Lemmi'' ca c'iaveva la cuncissioni di lu cuvèrnu pruvvisorio di Garibaldi nsinu dô 25 sittèmmiru [[1860]]. Lu 14 maju [[1865]] niscìu la liggi n.2279 ca ci dava l'autorizzazioni a la Vittoriu Emanueli (ca avìa cangiatu nomu in Sucità pi li Strati Firrati Calabro-Siculi) ppi fabbricari tutti li firruvii ca vuleva nta Calabria e nta Sicilia . Arruvatu lu [[1866]] sta sucità trasìu in crisi finanziaria e appi a èssiri aiutata direttamente di lu Statu talianu. Nta sti francenti la midesima sucità prisintàu a lu cumùni di Catania lu prucettu di fari la stazzioni Cintrali supra la scugghèra di l'Armisi e na linea, supra vasci ponti, ca rasentu rasentu li Mura di Catania nfinu a porta Uzzèda trasìvunu n'galliria nsinu all'Acquicedda. Lu sìnnicu Alonzu e l'amministrazzioni si priuccuparu troppu, pirchì lu prucettu di lu ngigneri francisi Petit chiudeva la via di lu portu e cu faceva ppi junta nu passaggiu a liveddu nfacci a lu Dòmu. Ci foru prutesti e si ntirissaru ngigneri catanisi e parlamentari ma nun ci fu nenti cchi fari pirchì lu Ministèru di li Pubblichi Travagghi cu n'dicretu lu 6 austu [[1864]] ci dava l'autizzazioni di forza a fari comu vuleva la Sucità francu-piemuntisi. Li tintativi e li prutesti si trascinarunu nsinu a lû [[1866]] ma lu tintativu di fari custruiri la linea a nord di la cità passandu dô Chianu dô Burgu e di Cifuli non arriniciu: