"La Sicilia e li Siciliani pû Statutu" : Diffirenzi ntrê virsioni

Contenuto cancellato Contenuto aggiunto
Santu (discussioni | cuntribbuti)
Pàggina nova: thumb|200px|right|Logu ufficiali di "La Sicilia e li Siciliani pi lu Statutu '''La Sicilia e li Siciliani pi lu Statutu''' ('n talianu '''La Sicilia e i ...
(Nudda diffirenza)

Virsioni dû 00:04, 2 fri 2011

La Sicilia e li Siciliani pi lu Statutu ('n talianu La Sicilia e i Siciliani per lo Statuto) è n'assuciazzioni di citatini siciliani, dimucràtica, trasvirsalu a li principali idiuluggìi univirsali nun viulenti e nun razzisti, ca rivènnica la tutali applicazzioni dû Statutu d'Autonumìa di la Rigioni Siciliana, ritinènnulu nu strumentu mpurtantissimu e nicissariu pô sviluppu ecunòmicu, sucialu e culturali dâ Sicilia.

Logu ufficiali di "La Sicilia e li Siciliani pi lu Statutu

La Sicilia e li Siciliani pi lu Statutu nasci di n'idìa di Santu Trovato ca, a mitati dû misi di giugnettu2010, penza di criari n'eventu supra a lu social network Facebook cû nomu "Cu cci veni a Palermu pi riclamari l'applicazzioni dû Statutu Sicilianu ?" unni prestu si scrìvunu assai cristiani di tutti li banni dâ Sicilia e macari di fora d'idda.

Datusi tuttu ssù successu, pi dari cuncritizza a l'appeddu fattu di SantU Trovato, si pigghia la dicisioni di urganizzari a Palermu na manifistazzioni graputa tutti li Siciliani, quali egghè è l'appartinenza pulìtica.

Lu 21 giugnettu - Si custituisci, sempri pi menzu di la reti, un Cumitatu Spuntàniu pi urganizzari megghiu comu s'hava a fari la manifistazzioni.

L'1 austu- Veni scigghiutu lu mottu di la manifistazzioni: "30 uttòviru: La Sicilia e li Siciliani pi lu Statutu" ('n talianu ""30 ottobre: La Sicilia e i Siciliani per lo Statuto").

Lu 4 austu - Veni scigghiutu lu logu ufficiali di la manifistazzioni

Lu 13 austu - Veni pubblicatu lu situ ufficiale di la manifistazzioni.

A Sittèmmiru si custituisciunu 'n tanti cità di la Sicilia Cumitati Lucali pi la manifestazzioni.

La Manifistazzioni

Sàbbatu 30 uttòviru 2010 a li 3:30 doppu menzu jornu 'n Palermu, a chiazza Ruggieru Sèttimu, si junceru chiossai di 1.000 cristiani pâ manifistazzioni ; lu longu curteu di li manifistanti, transitannu pi la via Maqueda e corsu Vittòrii Manueli, agghiacau ô Palazzu Reali, sedi dûel Parramentu Sicilianu, unni na picciridda - attravirsannu un corridoiu fattu di cristiani - cunsignau, simmulicamenti pi menzu di l'usceri dû Palazzu, n'Appeddu a tutta la rapprisintanza stituzzionali dimucraticamentu eliggiuta da li siciliani.

Futugrafìi di la manifistazzioni