"Univirsitati di Oxford" : Diffirenzi ntrê virsioni

Contenuto cancellato Contenuto aggiunto
Nuddu riassuntu dû canciamentu
Nuddu riassuntu dû canciamentu
Riga 1:
[[Mmàggini:OUCOAcolourCopyrightKaihsuTai.png|thumb|right|200px| Logu di l'Univirsitati di Oxford. Lu mottu è: ''Dominus Illuminatio Mea'', 'n [[sicilianu]] "Lu Signuri è lu mè lustru"]]
 
L<nowiki>'</nowiki>'''Univirsitati di Oxford''' ('n [[anglisi]] ''University of Oxford'') è na [[univirsitati]] ca havi sedi a [[Oxford]], nti lu [[Regnu Unitu]]. È la sicunna univirsitati cchiù antica ancora funziunanti nti lu munnu e la cchiù antica di chiddi 'n [[lingua anglisi]]. Ccu tuttu ca la data pricisa di la funnazzioni arresta picca chiara, c'è prova di anzignamentu ddà di li primi di lu [[XI sèculu]]. L'Univirsitati criscìu 'n manera viloci quannu lu re [[Enricu II]] vitau li studenti anglisi di jiri a l'[[Univirsitati di Pariggi]]. L'Univirsitati di Oxford è spissu accurzata comu ''Oxon'' (di lu [[latinu]] ''Oxoniensis'') e la sigla ''Oxf'' è oggi addupirata nti li pubbricazzioni ufficiali di l'Univirsitati.
 
Doppu na sciarra ntra studenti e abbitanti di lu locu nti lu [[1209]], cirtiduni accadèmichi si ni jeru avveri nord-ovest a [[Cambridge]], unni funnaru l'[[Univirsitati di Cambridge]]. Li dui antichi univirsitati hannu assai punti 'n cumuni e spissu li genti si rifirìscinu a tutti dui ccu la palora ''Oxbridge''. Ntra li dui univirsitati cc'è na forti rivalitati e ogni annu si urganizza na gara di canuttaggiu ca è assai sintuta nti tuttu paru lu [[Regnu Unitu]]. L'Univirsitati di Oxford e di Cambridge sunnu ntra li megghiu univirsitati di lu munnu, sicunni nti li classìfichi sulu a chidda di [[Univirsitati di Harvard|Harvard]] nti li [[Stati Uniti]].