Cubburu

thumb|300px|Cùbburu. Lu cùbburu è na custruzzioni di petra n usu ntâ Sicilia, unni è assai prisneti ntâ zona dî Nebbrodi. S'apprisenta di forma circulari cu na porta pâ trasuta, e la custruzzioni nun addumannava matiriali pi ncuddari li petri, comu pi li mura a siccu. La forma arricorda tanticchia li nuraghi dâ Sardegna o li trulli dâ Pugghia. Li primi foru custruiti già n'èbbica preistorica, ma la custruzzioni cuntinuau nzinu a èbbica storica, e foru usati nun sulu comu riparu pî picurari, ma certi voti puru comu abbitazzioni n certi casi nzinu ô principiu dû XX sèculu.