"Giorgiu di Antiochia" : Diffirenzi ntrê virsioni

'''Giorgiu di Antiochia''' ([[1100]] ca. - [[1151]] o [[1152]]) fu lu cchiù cèlibbri [[ammiragghiu]] dâ sicilia [[nurmanni|nurmanna]]. Succidìu a [[Christodulus]] e comu iddu era di urìggini [[grecia|grechi]]. Nascìu a [[Antiochia]], ma si trasfirìu 'n [[Tunisia]] â curti [[ziriti|zirita]] unni sò patri travagghiau. Giorgiu si sciarriau cô figghiu dû surtanu e succissuri disignatu, e 'n sicretu, si mbarcau pi la [[Sicilia]] cristiana. Agghicannu a Palermu si prisintau a [[Ruggeru II di Sicilia|Ruggeru II]] chi, grazzi â sò canuscenza pirfetta di lu [[Lingua greca|grecu]] e di l'[[Lingua àrabba|àrabbu]], cci desi sùbbutu travagghiu.

 

 

Grazzî â sò familiarità cô [[Mari Miditirràniu|Meditirraniu]], fu ncaricatu comu mmasciaturi â curti [[fatimidi]] d'[[Eggittu]]. Si varaqgnau lu tìtulu di ''familiaris'' dâ curti e, ntô [[1123]], addivintau lu secunnu ô cumannu dâ flotta di Christolulus. Nti l'attaccu di [[Mahdia]] di ss'annu, Giorgiu catturau la furtizza di al-Dimas, ma la spidizzioni ntô cumplessu fu abbannunata. Nti l'anni chi siqueru, Giorgiu misi 'n ùmmura Christodulus, e ntô [[1127]] lu sustituìu ntô postu di [[Emiru]] (cumannanti) di [[Palermu]].

ma l'abbitanti si rifiutaru. Giorgiu bluccau la cità e catturau li navi amalfitani custrincennu la cità a rinnìrisi. Ntô [[1132]] a Giorgiu fu datu lu titulu di ''amiratus amiratorum'', forma latinizzata di ''emiru di l'emiri''.

 

Ntô [[1143]], Giorgio purtau a termini a Palermu la chiesa [[Chiesa Ortodossa|grecu-ortodossa]] di [[La Marturana|Santa Maria di l'Ammiragghiu]], canusciuta puru comu ''la Marturana''. Nti sta chiesa s'attrova nu musàicu chi raffigura Giorgiu, comu puru lu cèlibbri mosaicu chi raffigura Ruggeru II ncurunatu di [[Gesù Cristu]].

 

 

Ntô [[1135]] la flotta siciliana, ô cumannu di Giorgiu d'Antiochia, cunquistau li [[Gerbi]], 'n facci ê costi dâ Tunisia. Ntô [[1146]], avìa ggià cunquistatu diversi cità custeri, ma [[Mahdia]] chi era ntî manu di [[Abu l-Hasan al-Hasan ibn Ali|Abū l-Hasan al-Hasan ibn ˁAlī]] nti l'attaccu dû 1123 nun cadìu mancu sta vota, puru siddu a picca a picca cadìu sutta la nfluenza dû [[regnu di Sicilia]]. Lu [[18 di giugnu]] dû [[1146]] la flotta sicilina, pratuta di [[Trapani]] cunquistau [[Tripoli]], rinfurzannu l'auturità siciliana nti l'Africa dû nord.

 

 

 

Ntô [[1148]], Giorgiu pigghiau finarmenti [[Mahdia]]. N pricidenza, lu cauvirnaturi mussurmanu di [[Gabes]], s'avia ribbillatu ô so capu, al Hasan, e prumittiu di cunsignari la cità a Ruggeru II siddu forra cunfirmatu cuvirnaturi dâ cità. La guerra scoppiau ntâ stati dû [[1148]]. Giorgiu guidau na flotta contru Mahdia. Lu surtanu si ni jìu n'esiliu, purtannusi lu trisoru, e Mahdia capitulau.

 

 

 

Murìu picca tempu doppu, ntô 546 di l' [[Egira]], secunnu lu cronista àrabbu [[Ibn al-Athir|Ibn al-Athīr]], currispunnenti ô [[1151]] oppuru [[1152]] (l'annu lunari islamicu è quasi sempri a cavaddu di dui anni sulari dû calindariu latinu). Ci succidìu ntê sò funzioni [[Filippu di Mahdia]].

Giorgio fu nu poliglotta e n'òmunu di curtura granni. Funnau, oltri â chiesa dâ Marturana, la chiesa di San Micheli a [[Mazzara]] e nu ponti supra l'[[Oretu]] a setti arcati è puru attribbuitu a iddu.

 

 

{{Artìculu dâ simana|6 di giugnettu| 2008}}

[[Catigurìa:Biografìi|Giorgio d'Antiochia]]

 

[[cs:Jiří z Antiochie]]

[[de:Georg von Antiochien]]