"Sicilia (èbbica greca)" : Diffirenzi ntrê virsioni
Contenuto cancellato Contenuto aggiunto
nNuddu riassuntu dû canciamentu |
|||
Riga 1:
== '''Li Greci''' ==
Secunnu [[Tucididi]], li [[Calcidisi]], cu a capu [[Teocli]], fôru '''li primi greci''' ca vinniru ‘n Sicilia e frabbricaru la prima culonia greca chiamata [[Naxos]], versu lu 735 a.C. Picca tempu doppu vinniru li [[Corinzi]] e frabbricaru [[Siracusa]] vicinu li terri margigni di [[Siraca]]. Un populu venutu di [[Creta]] frabbricò [[Gela]] e doppu, versu lu 580 a.C, [[Agrigentu]], chi lu pueta [[Pindaru]] chiamò '''“la cchiù bedda cità di li murtali”'''. [[Zancle]] canciò nomu e divintò [[Missina]] nta lu 491 a.C., picchì fu accupata di un populu scappatu di priggiunia chi avia origginatu a [[Messena]] nta la Grecia.
Li [[Siculi]] c’abbitavanu la zona orientali di la [[Sicilia]], si ribbillaru a st’accupazzioni di genti strania, ma fôru supraffatti di li greci c’avianu cchiù armi e cchiù cunuscenza di l’arti di la guerra. La Sicilia avia vistu cchiù di na migrazzioni, ma nudda nzinu a ora avia statu ostili a l’abbitanti. Li [[Finici]] avianu vinutu senza ncuitari a nuddu, sulu mittennu cocchi basi cummirciali pi travagghiari cu li nazzioni di lu [[Miditirraniu]] e puru cu l’abbitanti di l’isula. Ma mentri li Finici avianu fini cummirciali senza pinzari a culunizzazzioni, li [[Greci]], mmeci vinniru cu autri pinzati. Iddi ficiru na mmigrazzioni nta la Sicilia, traseru, assicutaru l’abbitanti liggittimi di la zona orientali e s’impusissaru di la terra cu l’idia di curtivalla e farisi na casa e na patria. Iddi eranu cchiù ntirissati a l’isula pi lu benessiri pirsunali e la libbirtà pulitica e ecunomica. Li Greci eranu na genti povira e vinianu pi farisi na vita megghiu ca nun si putianu fari ntê so nazzioni a causa di la curruzzioni pulitica, li tassi esaggirati e la tirannia di li cuvirnanti, chi ntaccavanu assai nta la libbirtà di li populi. Prestu si ficiru [[cità-statu]] putenti, e accuminzaru a luttari l’una contru l’autra pi suttamettisi l’una cu l’autra e addivintari ognuna cchiù putenti di l'autra. A causa di chistu nasciu la ligislazzioni p’addifenniri li poviri contra li putenti, e li provi li truvamu prima nta li rivuluzzioni civili e poi nta li liggi di [[Caronda]], chi misi liggi contra li disirtura e li tistimoni favusi e si ntirissò assai di lu benessiri di li picciriddi, spiciarmenti di l’orfani. Iddu fu lu primu nta la storia ca ubblicò lu statu a pagari la scola pi li picciriddi poviri.
Assai capi di statu greci, ca ora âmu a chiamari “sicilioti” (accussi fôru chiamati li greci di Sicilia doppu ca s’affirmaru nta l’isula), fôru tiranni tinti contra lu populu, ma nun fôru tutti. Sparti a chiddi ca luttaru pi la [[dimocrazia]], cci fôru chiddi ca luttaru pi teniri la nnipinnenza di l’isula. [[Geloni di Siracusa]] e [[Teroni di Agrigentu]] sarvaru la civilizzazzioni occidintali contra li cartaginisi nta lu [[480 a.C.]] a [[Imera]], e nta lu trattatu di paci cci mpuneru di nun sacrificari cchiù li primi nati masculi a li dei, quannu arrivavanu a deci anni, mentri [[Geroni]], puru [[di Siracusa]] firmò l’espanzioni di l’etruschi a [[Cuma]].
Cu tuttu chistu li greci trattaru malamenti l’abbitanti di la Sicilia, ‘n particulari li Siculi ca cu lu capu [[Duceziu]] si ribbillaru a li greci e li luttaru cu successu finu a lu 446 a.C. Poi li Greci vinceru e a Duceziu lu mannaru ‘n esiliu a [[Corintu]].
Duranti [[la Guerra di lu Peloponnesu]], [[Ateni]] attaccò la Sicilia ma si pigghiò na bona scunfitta e la sò flotta vinni tutta pigghiata di li greci sicilioti nta lu 415 a.C. e [[Nicia]], lu sò ammiragghiu, s’ammazzò nta la priggiuni.
Tra li greci sicilioti ci fôru omini di valuri e di granni ncegnu. [[Archimedi]] di Siracusa lassò signali ca nun si ponnu cancillari mancu cu lu tempu. Li sò principi di fisica sunnu usati ancora oggi. Lu filosufu e matimaticu [[Emppedocli di Agrigentu]], ca si dici ca la sò curiusità pi lu sapiri lu fici cadiri dintra l’[[Etna]] unni iddu avia iutu pi vidiri chi succideva dintra la vucca di lu vurcanu. Lu pueta e filosofu [[Archistratu]] ca fu l’auturi di lu primu trattatu di cucinari, '''“Lu bonu gustu”''' . [[Pindaru]] e tanti autri chi nasceru tutti nta Sicilia e [[Stesicoru]] ca fu unu di li cchiù bravi pueti Sicilioti e fu pigghatu a mudellu puru di lu pueta latinu [[Virgiliu]], e [[Timeo di Taurmina]] unu di li storici cchiù granni di la Sicilia e tanti, tanti autri.
Autri forti mprisi ficiru li sicilioti, comu [[Dionisiu I]] chi scunfissi li [[Cartagginisi]] e addivintò lu patruni di lu Miditirraniu custruennu culonii puru nta la [[Magna Gercia]].
Li sicilioti, brillaru nta la Sicilia comu na luci nta la notti, sia pi cultura, pi pulitica e pi ligislazzioni e addivintaru la puternza cchiù forti di lu Miditirraniu. Cu tuttu ciò nun appiru lu cuncettu di [[statu-nazzioni]]. Emigraru in Sicilia ‘n cerca di na terra megghiu e cchiù amica e quannu cuminciaru a ciuriri, si organizzaru a cità-statu e cuminciaru a farisi guerra l’unu contra l’autru, ignurannu li Siculi, li [[Sicani]], l‘[[Elimi]] e puru li Finici. Pinzaru di na manera egoistica e nun tintaru mai di riuniri la Sicilia sutta un sulu cuvernu cu na sula lingua.
Finu ca ‘n Sicilia c’eranu li Siculi, li Sicani. li Finici e l’Elimi, chistu nun si putia fari, picchì nta un certu senzu , nun si trattava di un populu sulu ma di gruppi di populi cun numaru limitatu di genti di diversu modu di pinzari e di diversi lingui. Li greci c’avianu espirenzia di pulitica, di civilizzazzioni, di custumi suciali ecc., eranu un populu unicu, ma iddi nun ficiru autru chi cupiari li cuverni d’unni vinianu e accussi nasciu n’autru sistema puliticu comu nta la Grecia. Cu lu tempu iddi si ficiru accussi ricchi, ca campavanu cu tantu lussu comu si ddu iornu fussi '''l’urtimu iornu pi iddi'''. Nzumma la curruzzioni civili, pulitica e murali fu accussi forti, ca a causa puru di nun aviri pinzatu di fari di la Sicilia nu statu unicu, doppu la ribbellioni di li Siculi, accuminciata ntô 466 a.C., e finuta cu la scunfitta di Duceziu nta lu 446, l’egimunia greca cuminciò a dari li primi signali di la sò morti.
La dibbulizza pulitica e cuvirnativa a cui s’arridduceru, purtò li [[Mamirtini]] a accupari Missina e chista fu la fini di la putenza [[Grecu-siciliota]]. Chista fu la scusa chi purtò li [[Rumani]] in Sicilia.
== Viditi puru: ==
* [[Silinunti]]
| |||