Cungittura

N matimàtica na cungittura è na pruprietati ca è suppunuta essiri satisfaciuta pi n'uggettu matimaticu, comu pi esempiu nu nsemi di nùmmura, o na catigurìa di oggetti giumetrici, ma ca nun s'arrinesci a dimustrari di manera difinitiva.

Li cungitturi hannu na funzioni mpurtanti n matimatica, pirchì li tinativi di dimustrarili agghicunu spissu a risurtati ca fanu avanzari àutri rami dâ matimatica. Fu lu casu di l'ùrtimu tiurema di Fermat chi pi tri sèculi fu la cungittura cchiù famusa dâ matimatica, e grazzi â quali fu sviluppata li tiuria dî formi mudulari, chi pirmisi a Andrew Wiles di addimustrari la cungittura ntô 1995.

Oggi, tra li cungitturi cchiù mpurtanti arristati ancora senza suluzzioni c'è la cungittura di Goldbach supra la somma di du' nùmmura primi, o ancora la cungittura abc.