"Akragas (Girgenti)" : Diffirenzi ntrê virsioni

== Li Tempî ==

[[{{ns:6}}: Agrigent-web.jpg|thumb|right|205px|Tempiu dâ Cuncòrdia – cunziddiratu unu dê cchiù àuti sprissiuni dû munnu grecu.]]

Dû '''''Tempiu di Zeus Olimpu''''', longu 113 metri e largu 56, si sàrvanu sulu li funnazzioni e na parti di l'artari principali. Era unu dê cchiù mpunenti tempî grechi canusciuti e avìa carattirìstichi ùnichi: anveci di la "peristasi", avìa nu muru unni dâ parti di fora c'èranu 14 semiculonni e d'intra n'autri 14 pilastri misi 'n coddu a la pareti. La cella a celu apertu avìa li pareti tinuti di 12 pilastri quatrati. Pi finiri, ntâ parti àuta dê pareti esterni, ntra na semiculonna e l'àutra c'èranu li ''talamoni'', grannissimi stàtui di gicanti àuti chiossai di 7 metri rapprisintati cu li vrazza piecati ê lati dâ testa, mentri tènunu lu grannissimu pisu dâ curnici dû tempiu.