"Sicilia (èbbica greca)" : Diffirenzi ntrê virsioni

Secunnu [[Tucididi]], li [[Calcidisi]], cu a capu [[Teocli]], fôru '''li primi greci''' ca vinniru ‘n [[Sicilia]] e frabbricaru la prima culonia greca chiamata [[Naxos]], versu lu 735 a.C. Picca tempu doppu vinniru li [[Corinzi]] e frabbricaru [[Sarausa]] vicinu li terri margigni di [[Siraca]]. Un populu venutu di [[Creta]] frabbricò [[Gela]] e doppu, versu lu 580 a.C, [[Agrigentu]], chi lu pueta [[Pindaru]] chiamò '''“la cchiù bedda cità di li murtali”'''. [[Zancle]] canciò nomu e divintò [[Missina]] nta lu 491 a.C., picchì fu accupata di un populu scappatu di priggiunia chi avia origginatu a [[Messena]] nta la Grecia.

Li [[Siculi]] c’abbitavanu la zona orientali di la [[Sicilia]], si ribbillaru a st’accupazzioni di genti strania, ma fôru supraffatti di li greci c’avianu cchiù armi e cchiù cunuscenza di l’arti di la guerra. La Sicilia avia vistu cchiù di na migrazzioni, ma nudda nzinu a ora avia statu ostili a l’abbitanti. Li [[Finici]] avianu vinutu senza ncuitari a nuddu, sulu mittennu cocchi basi cummirciali pi travagghiari cu li nazzioni di lu [[Mari Meditirraniu]] e puru cu l’abbitanti di l’isula. Ma mentri li Finici avianu fini cummirciali senza pinzari a culunizzazzioni, li [[Greci]], mmeci vinniru cu autri pinzati. Iddi ficiru na mmigrazzioni nta la Sicilia, traseru, assicutaru l’abbitanti liggittimi di la zona orientali e s’impusissaru di la terra cu l’idia di curtivalla e farisi na casa e na patria. Iddi eranu cchiù ntirissati a l’isula pi lu benessiri pirsunali e la libbirtà pulitica e ecunomica. Li Greci eranu na genti povira e vinianu pi farisi na vita megghiu ca nun si putianu fari ntê so nazzioni a causa di la curruzzioni pulitica, li tassi esaggirati e la tirannia di li cuvirnanti, chi ntaccavanu assai nta la libbirtà di li populi.

Assai capi di statu greci, ca ora âmu a chiamari “sicilioti” (accussi fôru chiamati li greci di Sicilia doppu ca s’affirmaru nta l’isula), fôru tiranni tinti contra lu populu, ma nun fôru tutti. Sparti a chiddi ca luttaru pi la [[dimocrazia]], cci fôru chiddi ca luttaru pi teniri la nnipinnenza di l’isula. [[GeloniGiluni|Giluni di Siracusa]] e [[Teroni di Agrigentu]] sarvaru la civilizzazzioni occidintali contra li cartaginisi nta lu [[480 a.C.]] a [[Imera]], e nta lu trattatu di paci cci mpuneru di nun sacrificari cchiù li primi nati masculi a li dei, quannu arrivavanu a deci anni, mentri [[Geroni]], puru di Siracusa firmò l’espanzioni di l’etruschi a [[Cuma]].

Cu tuttu chistu li greci trattaru malamenti l’abbitanti di la Sicilia, ‘n particulari li Siculi ca cu lu capu [[DuceziuDucezziu]] si ribbillaru a li greci e li luttaru cu successu finu a lu 446 a.C. Poi li Greci vinceru e a Duceziu lu mannaru ‘n esiliu a [[Corintu]].

Tra li greci sicilioti ci fôru omini di valuri e di granni ncegnu. [[Archimedi]] di Siracusa lassò signali ca nun si ponnu cancillari mancu cu lu tempu. Li sò principi di fisica sunnu usati ancora oggi. Lu filosufu e matimaticu [[Empedocli|Empedocli di Agrigentu]], ca si dici ca la sò curiusità pi lu sapiri lu fici cadiri dintra l’[[Etna]] unni iddu avia iutu pi vidiri chi succideva dintra la vucca di lu vurcanu. Lu pueta e filosofu [[Archistratu]] ca fu l’auturi di lu primu trattatu di cucinari, '''“Lu bonu gustu”''' . [[Pindaru]] e tanti autri chi nasceru tutti nta Sicilia e [[Stesicoru]] ca fu unu di li cchiù bravi pueti Sicilioti e fu pigghatu a mudellu puru di lu pueta latinu [[Virgiliu]], e [[TimeoTimeu|Timeu di Taurmina]] unu di li storici cchiù granni di la Sicilia e tanti, tanti autri.