Ntornu ô 1076 dê pupulazzioni di l'aut'Italia, chi scinnìu nta Sicilia ô sèquitu di li [[Nurmanni]], si stanziaru ntê pressi di na cità abbitata di cumunità islamichi e chiamata n àrabbu ''Iblâtasa'', n grecu ''Platza'', n latinu ''PlutiaPlacia'' o ''Platia''. Ntô 1161 li cristiani di ''PlatiaPlacia'' si ribbillaru a lu re [[Gugghiermu I di Sicilia|Gugghiermu lu Malu]], accusatu di favuriri li mussurmani, facennu stragi dâ pupulazzioni islamica. Gugghiermu misi fini a la rivulta distruggennu ''PlatiaPlacia'' la quali vinni ricustruita ntô 1163 ntâ pusizzioni attuali di Ciazza. Ntô 1282 Ciazza participò a la [[Storia dû Vèspiru|Guerra dû Vespru]] sutta la guida di Guateru di Cartaggiruni. Ntô 1517 la cità raggiungiu lu màssimu splennori tantu di essiri numinata di [[Carlu V, Sacru Rumanu Mpiraturi|Carlu V]] ''“Urbs Opulentissima"''. Ntô 1950 ntê pressi di Ciazza vinni scuperta la Villa dû Casali chi dû 1997 fà parti dû Patrimoniu munniali di l'umanità di l'[[UNESCO|UNESCO]].
