"Wikipedia:Circulu" : Diffirenzi ntrê virsioni
Contenuto cancellato Contenuto aggiunto
→spuligni: sizzioni nova |
|||
Riga 1 054:
::Ciau a tutti. La discussioni è assai ntirissanti. La cosa cchiù mpurtanti è lu spiritu custruttivu ca avemu tutti. Mi pari chiaru ca avemu tutti a cori la qualitati dû pruggettu wikipedia. Di na manu è pirciò mpurtanti rispittari nu minimu di reguli grammaticali ca lu cumpenniu stilisticu riassumi n manera chiara e cuncisa. Di l'autra manu, è puru veru ca s'havi a stari appressu ê traduzzioni nti translatewiki, e ca ci nni sunu sempri di novi ca s'hannu a fari. E si nu canciu curreggi na virsioni pricidenti, chistu è bimminutu, a cunnizzioni ca si giustifica (ntô circulu, o ntâ discussioni) secunnu lu cumpenniu stilisticu o secunnu na rifirenza littiraria. Chistu nun sminuisci (scusatimi l'italianismu) lu travagghiu fattu dî cuntribbutura pricidenti, anzi! Bonu travagghiu a tutti. --[[User:Gmelfi|Peppi]] 15:23, 29 sit 2015 (CEST)
*Prima cosa: Nta l'ùnica fonti ca purtau Pippinu, si ponnu attruvari formi lucali e nun standard comu: divi (paràgrafu 1), cianciu (paràgrafu 5), cianciti (paràgrafu 9), ghioviria (paràgrafu 18), ecc. Putemu nutari macari ca l'auturi scrivi "sepurtura" (paràgrafu 14) ma arcuni righi n jusu scrivi midemma "sepultura" (paràgrafu 15)... Ju purtai chiù d'ottu fonti p'addimustrari zocchi ju dicìa. Dunca nun accettu la forma lucali "cria" pi "crea". Sugnu contra l'usu di "cria" ntê missaggi di sistema e ripetu ca li formi virbali siciliani câ "e" (creu, crei, crea, crèanu) esìstinu e sunnu curretti.
Sicunna cosa: Pippinu di TranslateWiki.net dicisi di tradùciri li missaggi di sistema senza rispittari li règuli ortugràfichi dô cumpenniu stilìsticu e usau nu sistema ortugràficu tuttu sò pi fàrilu. Iddu dicisi macari di nun nfurmari a li cullabburatura dâ wikipedia n lingua siciliana.
Terza cosa: Riportu ccà sutta lu missaggiu ca mi scrissi Pippinu nta TranslateWiki.net: ''Ciau, vitti chi nun riniscìa â sèguiri bonu lu cumpenniu stilìsticu e pi' chistu li traduzzioni nun vi piaceru propia; megghiu chi nun nni fazzu cchiu' :-P . Ti rispunnìa ntô cìrculu però di manera anònima, picchì nun sugnu iu l'utenti «Pippinu» di Wikipedia e nta stu mumentu nun trovu li cridinziali dû me cuntu giustu di Wikipedia e dunca nun pozzu tràsiri fin'a quannu nun tornu â casa. Ti salutu! Pippinu 11:26, 28 sit 2015''
Quarta cosa: notu ca Pippinu mpalurau d'usari lu sò cuntu giustu ntâ Wikipedia appena turnatu â casa, ma iddu nun lu fici.
Quinta cosa: "Pippinu" si chiama accussì nta TranslateWiki.net ma dici ch'iddu nun ci trasi nenti cô Pippinu dâ wikipedia, mi pari strammu. Appoi mi dici nta TranslateWiki.net ca havi n'àutru cuntu ntâ wikipedia ma nun l'usa pi loggàrisi e arrispùnniri a sta discussioni ntô Cìrculu. Pirchì si scigghìu lu nomu Pippinu pi travagghiari nta TranslateWiki.net si già avìa nu cuntu cu nu nomu diversu ntâ wikipedia? Chistu nun è lòggicu pi nenti.
Sesta cosa: Haiu la mprissioni ca li sò ntinzioni riali nun èranu unicamenti chiddi di tradùciri li missaggi di sistema p'aiutari. Mi pari ca lu sò scopu era di mpòniri picca a picca â wikipedia nu sistema ortugràficu novu cuntrariu ê règuli dô cumpenniu stilìsticu senza ca li cuntribbutura si nn'addunàssiru. Pi daveru sta manera di prucèdiri mi pari gravi. Haiu dê prioccupazzioni serii riguardu â liggittimità di st'utenti mistiriusu. Nu pruverbiu sicilianu dici ''Cu ammuccia zocchi fa è signu ca mali fa''.
== Reimagining WMF grants report ==
| |||