A voti al-Siqilli ha statu scrittu ''as-Siqilli'', ''as-Saqali'' o ''as-Saqalli'' ni diffirenti t<u>r</u>ascrizziuni. Puru la Sicilia ha stata chiamata ''Saqalyah'' o ''Siqilyah'' 'n diffirenti èpichi e dialetti àrabbi. As-Siqilli signìfica ''«lu Sicilianu»'' e accussì è canusciutu nt<u>r</u>a tuttu lu munnu islàmicu dû [[Maroccu]] nzinu a l'[[Indunesia]]: sò nomu era ''Abul al-Husain Jawhar ibn-Abdullah''.
''JawharGiafar lu Sicilianu'' ha statu nzinu ô [[Saladinu]] lu cchiù granni eroi di tuttu l'[[Islam]]. Ancora oi è lu cchiù granni dî l'eroi [[sciiti]] e ntû particulari di l'[[ismaeliti]].
== Vita ==
JawharGiafar nascíu e campau 'n Sicilia e li sò pat<u>r</u>i èranu siciliani, ma nun si canusciunu ducumenti unni si dici n'quali città e cu foru li sò cantannavi. La raggiuni è ca iddu era liatu a n'gruppu di Mowlas (nun-àrabbi) siciliani c'avìanu statu purtati n'schiavitù dâ Jazeera (al-Jazeera signìfica «l'ìsula» ‘n àrabbu) di Sicilia â città santa di [[Kairouan]] (Tunisia), capitali dû califfatu fatimita n'Africa nord-occidintali. Sò pat<u>r</u>i Abdullah (ibn-Abdullah significa figghiu di Abdullah) s'avìa cunvirtutu a l'Islam già nnâ Sicilia, ma li sò nannavi èranu cristiani [[ortodossia|ortodossi]] e ô tempu nun era custumi n'Africa t<u>r</u>acciari l'orìggini di chiddi ca nun avìanu nomi àrabbi o musulmani.
JawharGiafar addivinni attinnenti dû califfu [[Isma'il al-Mansur Bi-Nasrillah|al-Mansur]] e ntû [[952]] vinni sùbbutu libbiratu di lu novu califfu [[al-Mui'zz din-Allah|al-Mui'zz]] ca lu mi<u>d</u>ìsimu annu avìa succidutu a al-Mansur e iddu immantinenti lu nòmmina Katib (secretariu di Statu). Nt'al-annu [[959]] addivinni cchiuassai mpurtanti: veni a èssiri numminatu puru Vizir e cumannanti n'capu di l'armata fatimita. Chidd'annu Jawhar accumincia e cunchiudi la cunquista di nummurusi pruvincî dû [[Maghrib]] ([[Taharat]], [[Fas]], [[Sijilmasa]]), nzinu a l'[[Ocèanu Atlànticu]]. Ddà stapi e accuverna lu paisi pì quacchi annu.
Ntû fivraru dû [[969]] Jawhar era già cèlibbri e cunzidiratu insustituìbbili di lu califfu al-Mui'zz, ca pinzava ca nuddu àut<u>r</u>u putissi arrinèsciri a cunquistari l'Eggittu, ma iddu s'ammarau e picca spiranzi appi pâ sò vita. Si nun avissi cchiù campatu nuddu àut<u>r</u>u avissi pigghiatu lu sò postu: lu califfu avissi rinunziatu a la cunquista.
