Cunfruntu tra virsioni di "Caltaggiruni"

Nessun cambiamento nella dimensione ,  1 anno fa
Etichetti: Canciu di apparecchiu mòbbili Canciu di lu web pi apparecchiu mòbbili
Ultra lu talianu, a Caltaggiruni si parra lu [[sicilianu]], ndâ so varietati lucali, chiamata caltaggirunisi (secundu la grafia lucali ''cattaggərunisə'' o ''cattaggerunise''), ca è nu dialettu sicilianu orientali, comu chiḍḍu [[Catania|catanisi]] o [[Sarausa|sarausanu]], di quali è differenti pâ presenza di nu substratu [[Liguria|liguri]] ca lu differenzia dî autri dialetti siciliani e ô stissu tempu dî parrati gaḍḍu-italici di Sicilia, comu chiḍḍi di [[Ciazza (Enna)|Ciazza]] o [[Nicusìa (Enna)|Nicusìa]]. Autri influenzi sunu li stissi dû sicilianu standard, comu l’[[Àrabbu|arabbu]], lu [[Lingua spagnola|castigghianu]], lu [[Lingua francisa|francisi]], lu [[Lingua catalana|catalanu]], lu [[Lingua greca muderna|grecu]]. Chistu dialettu si differenzia macari dî autri orientali pî soluzzioni fonologgici cchiù prossimi ô sicilianu centrali, specialmenti ndî verba e ndû vocabbulariu di basi.
 
[[File:Caltagirone.jpg|thumb|La scalazza di Caltaggiruni, dicurata dâ famusa ciramica|alt=]]Ndû dialettu si hanu, a livellu foneticu e fonologgicu, elementi pi nenti comuni ô sicilianu standard, comu la vucali centrali (canusciuta comu scevà) ô postu dî vucali [e] e [i], la lenizzioni intervucalica a centru di palora (specialmenti dû sonu /s/, ca si trasforma in /z/, pirò macaru dâ /ʧ/, ca si trasforma in /ʒ/), li vucali nasali e li semicunsunanti in posizzioni centrali. A livellu morfologgicu, va nutatu l’usu dî tempi composti pî indicari azzioni passati, ô posto dî tempi remoti, ca veninu utilizzati pi parrari in forma chiù espressiva (probabilmenti di origgini castigghiana o catalana). Lu rotacismu è assai frequenti, accussì comu l’assimilazzioni. La lingua liguri (specialmenti la parrata [[Gènuva|genuvisi]]-[[Savuna|savunisi]]), contribuìu in forma impurtanti, e alcuni palori, comu ''carruggiu'' e ''scagnu'', accussì comu alcuni cognomicognoma, comu ''Grillu, Doria, Traversa, La Ferla, Funtana'' sunu una testimunianza di chista presenza. Assai comuni è la contrazzioni vucalica a cumenzu di palora (''ḍḍunarisi'' ô postu di ''aḍḍunarisi'') o lu raddoppiu dî consonanti. Si pò vidiri macaru una particulari metafunia, ca trasforma lu sonu /a/ in /o/ (''oceḍḍu'' ô postu di ''aceḍḍa'').
 
Lu caltaggirunisi è assai influenzatu dû dialettu catanisi, pirchì sunu dui dialetti sumigghianti e pirchì li cittati di Caltaggiruni e Catania hanu frequenti scanci e incontri commerciali e amministrativi. Alcuni caltaggirunisi sunu macaru influenzati dâ parrata rausana, mintra lu sicilianu centrali avi qualcu picciula sumigghianza fonetica cû chistu dialettu (ndî verba o ndî alcuni palori).
Utente anonimo