San Julian's

San Julian's('n lingua maltisi San Ġiljan) è na cità di Malta situata ntâ costa, a nord dâ capitali Valletta, canusciuta pô turismu basta 'n capu a lucali nutturni e risturanti accintrati ntâ zona di Paceville.

Storia

Prima dû 1800 la zona oi divintata San Julian's era praticamenti diserta, eccettu lu Spinola Palace, la vecchia crèsia e quarchi casa dê piscaturi dâ zona.

Nunustanti chistu ntâ zona di Mensija vìnnunu attruvati tracci di carri risalenti a l'Itàti dû Bronzu, nnô distrettu di Tal-Ballut (nnô situ unni ora c'è la Cappella del Convento del Sacro Cuore) vìnnunu idintificati tombi chi risalunu all'itàti romana e a ta' Cieda, unni oi è situata Triq il-Korvu (Kappara), vìnnunu ruìni di na turri romana e di na zona di sippillimentu saracenu.

La Vecchia Parrocchia

Custrujuta nnô 1580 vìnna didicata a San Giulianu; 'n sècutu (nnô 1593) essennu troppu nica, vinna intiramenti ricustrujuta e di nòvu nnô 1730 quannu vinna abbiàta 'n terra e dû novu ìsata. Li dicurazzioni capitulari arristànu pirò chiddi urigginari. Dî l'ultimi ricerchi arrisurta ca la crèsia vìnna visitata nnô 1601 dû viscuvu Tommaso Gargallo. 'N àutra ristrutturazzioni vinna fatta nnô XIX seculu, quannu la crèsia divinìu ufficiarmenti na parrocchia.

Lu Santu Patronu

La cità pigghia lu nomu dû Santu Patronu, San Giulianu, canusciutu macari ccô nomu Giulianu lu pòviru o Glilianu Uspitalieru. Prima dâ riforma dû Calinnàriu dê Santi a San Giulianu era addidicatu lu 27 di jinnaru; oi vèni fistiggiatu anvèci lu 12 di frivaru, ccû tuttu chistu ntê tradizziunali festi maltisi vèni fistiggiatu ntî l'ùrtima duminica di aùstu nsemi all'àutri cilibrazzioni dû pirìudu.

 Cumuna di Malta