Aliminusa

nu cumuni di Tàlia
Aliminusa
Muttu:  
Nomu ufficiali: Aliminusa
Riggiuni: Sicilia
Pruvincia: Palermu (PA)
Cuurdinati: 37°51'52"N, 13°46'53"E
Ammustra ntâ mappa
Superfici: 13 km²
Abbitanti: 1.334
Dinzitati: 103 ab./km²
Cumuni cunfinanti: Càccamu, Cerda, Muntimaiuri, Sciara, Scafana
CAP: 90020
Prifissu telefònicu: +091
Situ ufficiali: http://www.comunedialiminusa.it/


Aliminusa (videmma Arminusa e chiamata Larminusa ntâ parrata lucali) è nu paisi vicinu Tèrmini, havi ammeri 1300 abbitanti e s'attrova a 450 m supra lu liveddu dû mari.

Storia cancia

La prima vota ca si parra di Larminusa fu nnô tistamentu di Mattìu Scàfani1333, unni dici ca accattò lu fìudu di Rachalminusa di Guartieri Fisaula ("rachal" ntô saracinu veni a diri "casali").

Aliminusa appartinìa â cuntìa dî Sclàfani. Nta li primi anni di lu 1300 lu fìudu era di Mattìu Scàfani (lu pussissuri di lu palazzu Sclàfani n Palermu). Iddu avìa terri assai nta tutta la Sicilia, ma murìa sinza lassari figghi màsculi. Li sò figghi Aloisa e Margarita si maritaru, la prima cu Gualtieri Peralta e l'àutra cu Gualtieri Raimunnu Moncada, e pi la robba di Mattìu Scàfani ficiru tanti quistioni e sciarri.

Nta l'archivi di l'uffizzi fiurintini ci fu sarvata na carta di lu 1400 unni si leggi "terrae harminusae", ca "Rachalminusa" veni stracanciatu nni "Arminusa". Lu fìudu di Aliminusa tuccò a li conti Peralta Luna, ca lu cozzu Luna si chiama accussì prennu iddi e ergu i conti Luna si sciarraru cu li baruni Perollo puru s'iddi stàvanu n Sciacca: sta quistioni era canusciuta comu lu "casu di Sciacca", e pi stu fattu lu bagghiu vecchiu vinni allavancatu di li surdati di lu reghi ca addiffinìanu a li Perollo, ma sappi a fabbricari n'àutru bagghiu novu cchiù ncapu nta lu cozzu di lu locu. La cchiù antica custruzzioni di lu paisi è lu Bagghiu. Grigoriu Brunu accattò stu fìudu ntô 1625 e doppu picca anni ci detti lu nomu di Sant'Anna. Lu figghiu di stu Grigoriu vinnìu lu feu a Mariu Cutelli omu di liggi catanisi e Conti di Villarosa ca lassò scrittu pi tistamentu ca siddu li Cutelli nun avìssiru avutu figghi màsculi lu feu avìa èssiri vinnuti e cu li sordi s'avìa a fabbricari nu culleggiu n Catania. Stu fattu succidìu. Ntô 1796 lu fìudu di L'Arminusa e dâ minnulazza si l'accattò Emanueli Miluni, e la cresia è vutata a Sant'Anna e aperta ô cultu riliggiusu nzinu di l'annu 1809.

Lijami di fora cancia