La dinastia di l'Almohadi (n arabbu الموَحِّدون al-muwahhidūn li "Unitari", li affirmatura di l'unicità di Diu, tawhīd) ditta dî Banū ‛Abd al-Mu'min (بنو عبد المؤمن "Figghi di ‛Abd al-Mù’min", dû nomu dû primu califfu) fu na dinastia berbera chi emirgiu n sequitu a nu muvumentu di riforma riliggiusa, e chi cuvirnau supra lu Maghreb e supra la Spagna mussulmana dû 1147 ô 1269. Lu muvumentu do l'almohadi surgiu comu riazzioni a l'Almoravidi chi duminavanu nu tirritoriu chi iva di Marrakech nti l'attuali Maroccu e la Spagna.

La battaglia di Las Navas de Tolosa (1212) sinnau l'inizziu dû diclinu almohadi nti la pinisula ibberica.

Li almohadi e la Sicilia cancia

L'espansioni di la zona di nfluenza di l'almohadi â mità dû XII sèculu, cuincidìu cu nu piriudu di nstabbilità ntô regnu nurmannu di Regnu di Sicilia. Doppu chi li almohadi cunquistaru Algeri ntô 1152, all'ebbica urtimu baluardu zirita, tra lu 1158 e lu 1160 li almohadi pottiru facirmenti cunquistari li cità nurmanni dâ costa tunisina e libbica: Mahdia appi a subbiri n'assediu chi durau circa sei misi ntô 1159. Caderu puru li cità di Sfax, Tripuli e l'isuli dî Gerbi, tutti cuntrullati n pricidenza dî nurmanni di Sicilia.