Camilo Cienfuegos
Camilo Cienfuegos Gorriarán (L'Avana, 6 di frivaru 1932 - Camaguey o L'Havana, 28 di uttùviru 1959) fu unu di l'artèfici, nzemi a Fidel Castro e a Ernesto Che Guevara dâ Rivuluzzioni Cubbana.
Biografìa cancia
Figghiu di nu sinnacalìsta spagnolu imigratu a Cubba, accuminciau nzinu di picciriddu, cullabburannu ccû patri a cògghiri fondi a sustegnu dâ Spagna ripubbricàna, a cunfruntarisi ccâ pulìtica. Nnô 'ccuminciari di l'anni 1950ini attaccau a fari nu cursu di scurtùra e travagghiau ntî certi putèi, arristannu cumunqui sempri pòviru.
Ntô 1956, doppu 'n soggiurnu ntê Stati Uniti unni avìa jutu pî travagghiu, juncia nnô Mèssicu pî agghiuncirisi a Fidel Castro. Turnatu a Cubba ccû Granma, addivintau 'n picca tempu unu dê massimi cumannanti militari dâ rivuluzzioni e nsemi a Ernesto Che Guevara ficia la stratiggìa ca purtau l'esercitu rivuluzzionariu a pigghiari la cità di L'Avana.
Doppu ca fu nstauratu lu cuvèrnu cumunista, Cienfuegos pigghiau lu cumannu di tutti li forzi armati meritannusi l'appillativu di signuri d'avanguardia, datu dû cumpagnu Che Guevara; in picca tempu ricivìu assai 'ncarichi pulìtici e addivinìu unu dê pirsunaggi cchiù 'nfluenti di l'ìsula caraibbica.
Lu 28 di uttuvìru dò 1959 scumpara ntô mari nnô mentri ca turnava a L'Avana da Camaguey, pî curpa di nu 'ncidenti ô aèriu di turismu unni jiva: li resti dû vilìvulu e lu corpu di Camilo Cienfuegos nun fuònu mai truvati e tali fatti ficia nasciri nu granni nummiru di prubabbili iputisi riguardu la sô morti: secunnu arcuni fu eliminatu dâ CIA, secunnu àutri fu Fidel Castro stissu a urdinari l'eliminazioni dû sô cullabburaturi, secunnu n'àutra virsioni Cienfuegos avissa scappatu all'estiru.
Camilo Cienfuegos, ccû tuttu dâ primatura morti, arresta unu dê leader dâ rivoluzzioni arricurdata cchiù prufunnamenti dâ pupulazzioni cubbana.
