Culunialismu n Africa

Lu culunialismu 'n Àfrica fu nu prucessu di spartizzioni pulitica dû cuntinenti africanu di la parti dî nazzioni di l'Europa chi agghicau ô cùrmini ntâ secunna mità dû XIX sèculu. Li putenzi uccidintali principali forru supratuttu la Francia e la Gran Britagna, ma participaru puru pi na parti cchiù nica la Girmania lu Purtugallu l'Italia e lu Belgiu.

Àrii di nfluenza europea ntô cuntinenti africanu ntô 1914.

Puru siddu si rifirèvanu spissu a na "missioni civilizzatrici" n favuri dî pupulazzioni suttasviluppati, li putenzi culuniali si limitaru pi lu cchiossai a sfruttari li risorsi naturali dû cuntinenti.