Erculi I d'Esti

Erculi I d'Esti (Firrara, 26 ottobri 1431 – Firrara, 25 jennaru 1505), fu duca ri Firrara ru 1471 'nsino a quannu muriu 'nta u 1505.

U ritrattu chi ci ficiru a Erculi i so figghi puru ca già avieva murutu.

Jera figghiu ri Nicculò III marchisi ri Firrara e ri Ricciarda ri Salluzzu, ma sa patri jera na cuosa 'nutili e quannu muriu 'ntau tiestamientu 'un ci lassau 'i so proprietà, puru ca Ercoli jera lo so primu figghiu ligittimo, ma ci lassau tutti cuosi a l'altru figghiu, Lionieddu, ch'avieva avutu ri 'na sua amanti ri picciuottu. Erculi fu mannatu ri carusu a Napuli cu sa frati Sismunnu e appi aspittari ca murievinu i so frati chiù ranni pi addivintari duca. 'Ntau 1473 si maritau a Linora d'Arauna, figghia du re di Napuli Firranti d'Arauna.

Figghi

Ra mugghieri Linora appi sietti carusi:

• Isabiedda, chi si maritau a Ciccio II Gonzaga, marchisi ri Mantua.
• Biatrici, chi si maritau Luduvicu 'u Moru.
• Fonziu, ca ci succidiu 'nta u ducatu e si maritau prima a Anna Maria Sforza e appriessu a Lucrezia Borgia.
• Firranti.
• Ippolitu, cardinali.
• Sismunnu.
• Bertu, muriu 'nta naca.

Ri na fimmina ca ghiera a sirviziu ri sa mugghieri, Isabedda Arduinu, appi nu picciriddu:

• Giuliu

Prima ri maritarisi appi puru n'autra fimmina, Luduvica Cunnummieri, ca ci dietti:

• Lucrezia, ca si maritau Annibale II Bentivoglio.
• Lurenzu, u primu (nun si sapi buonu cu jera sa matri), muriu picciuttieddu 'ntau 1471.