John Grisham (Jonesboro, 8 di frivaru 1955) è nu scritturi statunitensi di legal thriller.

John Grisham

Biografìa cancia

Secunnu di cincu frati, Grisham nascìu nti lu 1955 a Jonesboro, Arkansas, nti na nurmali famigghia di lu sud. Sò patri travagghiau comu upiraiu èdili e cultivaturi di cutuni. Doppu avìrisi spustatu spissu, la famigghia si jiu a trasfiriri nti lu 1967 nti la nica citati di Southaven, Mississippi.

Cunzigghiatu di la matri, lu picciottu Grisham addivinìu nu granni litturi, anfruinzatu 'n manera particulari di lu travagghiu di John Steinbeck, ca cci piacìa pi la sò chiarizza.

Nti lu mentri ca studiava a la Mississippi State University, Grisham accuminciau a scrìviri nu diariu, na cosa ca appressu lu ajutau assai nti li sò attività criativi. Doppu ca si pigghiau la lauria 'n liggi nti lu 1981, jiu a fari l'avvucatu a Southaven pi quasi nu dicenniu.

Nti lu 1983 vinni aliggiutu pi li Dimucratici a la Càmmira di li Rapprisintanti di lu Mississippi, unni arresta nzinu a lu 1990 cuntinuannu sempri lu sò travagghiu di avvucatu. Nti lu sò tempu lìbbiru, e comu hobby, Grisham accuminciau a scrìviri lu sò primu rumanzu, unni si jia spummintannu chi cosa avissi succiudutu si lu patri di na carusa viulintata avissi jutu ad ammazzari li sò aggrissuri. Nti lu 1987, doppu tri anni di travagghiu, la sò prima òpira, A Time to Kill (Nu tempu d'ammazzari), vinni finuta. Prima fu rifiutata di diversi editura, appui, a la fini, vinni accittata di la Wynwood Press, ca la pubbricau nti lu giugnu 1988 ccu na tiratura di suli 5.000 copii.

Quannu finìu di scrìviri A time to kill, Grisham accuminciau sùbbitu nu novu rumanzu. Lu clienti fu lu settimu rumanzu cchiù vinnutu di lu 1991. La rivista statunitensi Publishers Weekly addichiarau Grisham: "Lu scritturi cchiossai vinnutu di l'anni nuvantini", ccu nu tutali di 60.742.289 copii.

Li sò rumanzi sunnu diciuti legal thriller, pìgghianu assai di la sò spirienza di avvucatu e hannu statu uggettu d'assai virsioni cinimatogràfichi.

Libbra scrivuti di John Grisham cancia

  • A Time to Kill
  • The Firm
  • The Pelican Brief
  • The Client
  • The Chamber
  • The Rainmaker
  • The Runaway Jury
  • The Partner
  • The Street Lawyer
  • The Testament
  • The Brethren
  • A Painted House
  • Skipping Christmas
  • The Summons
  • The King of Torts
  • Bleachers
  • The Last Juror
  • The Broker