Lu Prìncipi Nicu

Lu Prìncipi Nicu
Auturi:  Antoine de Saint-Exupéry
Tìtulu urigginali:  Le Petit Prince
Annu di pubbricazzioni:  1943
Lingua urigginali:  francisi
Gèniri:  Cuntu di picciriddi
Noti:  

Lu Prìncipi Nìcu è nu cuntu di Antoine de Saint-Exupéry ca fu fubbricàta nta lu 1943.
Lu libbru avi statu lu quartu cchiù pubblicatu dâ storia e avi statu traduciutu nta chiossai di 250 lingui.
Parra di n'aviaturi ca è custrettu a attirrai nta lu disèrtu dô Sahara unni ancontra nu piccirìddu chi ci addummànna r'addisignàricci na pècura. Iddu, ammèci, ci addisìgna nu sirpènti boa ca si manciàu n'ilifànti e iddu sa firàu a ntuvinàri chiè ca era. Duoppu na puocu i vòte ca ci addisignàu na pècura sinza ca ci piàciu lu pilota ci addisigna nu scàtulu e ci rici ca a pècura stàpi i rintra.
Durànti li òttu jorna duranti li quali lu pilota si strummènta p'arriparàri l'airuplanu lu piccirìddu ci cunta ca era nu Prìncipi Nìcu ca s'arricugghìa di n'astiròiddi ciamàtu B-612. Stu astiròiddi ci avja tri vulcàni e na puocu ri pianti e iddu passava lu tièmpu a rinzittàrilu levànnuci irbàcci e pianti comu li Baobab ca ci anfistàvunu lu tirrìnu. Ci cunta magàri ca a nu certu puntu ci spuntàu na rosa ca ci parràva e chi accuminzau a dummannarici troppi cosi accussìni addicidìu ri lassàri l'astiroiddi comu a na campana i vitru ppi putìrila cuprìri e addifinnìrila rô vientu. Lu Principi, allùra, vìsita autri sièi astiròiddi unni ci abbitàunu pirsuni rànni tanticchia stròlichi.