Patrimoniu di l'Umanitati

La Lista dû Patrimoniu di l'Umanitati è stabbilutu dû Cumitatu dû Patrimoniu Munniali di l'UNESCO (Organizzazzioni dî Nazzioni Uniti pi l'Aducazzioni, la Scienza e la Curtura).

Ô 16 di giugnettu 2005, 812 siti sunnu iscriuti supra chista lista (628 sunnu siti curturali, 160 sunnu siti naturali, e 24 sunnu misti), chi s'attròvanu nta 137 paisi.

Dû 1992, la Lista dû Patrimoniu Munniali c'havi na soru câ "Lista Memòria dû Munnu", unni s'attròvanu li cullizzioni di ducumenti di ntiressu univirsali. Ô 30 di giugnu 2005, ci sunnu 120 ducumenti di 56 paisi.

Tabbilla sinòttica dû Patrimoniu Munniali cancia

Tabbilla sinòttica dû Patrimoniu Munniali
	Curturali	Naturali	Mistu	Tutali
Àfrica	31	32	2	65
Paisi àrabbi	56	4	1	61
Asia/Pacìficu	112	42	9	163
Europa/Mèrica dû Nord	352	50	9	411
Mèrica latina/Caràibi	77	32	3	112
Tutali	628	160	24	812

Urìggini cancia

Lu Carnalivari di Binche ntô Belgiu è, dû 2003, arricanusciutu comu "Capolavoru dû Patrimoniu urali e immatiriali di l'Umanitati" di l'UNESCO. - Fotu: Marie-Claire Lefébure.

cuncizzioni antichi: "li Setti Miravigghi dû Munnu".
1972: Cunvinzioni pâ prutizzioni dû Patrimoniu Munniali, Curturali e Naturali
1976: Criazzioni dû Cumitatu dû Patrimoniu Munniali
1978: Primi siti iscriuti supra la Lista dû Patrimoniu Munniali
1992: Criazzioni dû prugramma "Memòria dû Munnu", pâ prutezzioni dû patrimoniu ducumentari.
1997: L'ària archiolùggica di Girgenti trasi ntâ Lista dû Patrimoniu di l'Umanitati.
1998: Criazzioni dû prugramma "Proclamazzioni dî capolavuri dû Patrimoniu urali e immatiriali".
2000: Li ìsuli Èoli tràsinu ntâ Lista dû Patrimoniu di l'Umanitati.
2003: Cunvinzioni pâ Sarvaguardia dû Patrimoniu Curturali immatiriali.

Missioni cancia

«Lu Patrimoniu è l'eriditati dû passatu, di cui apprufittamu oggi e ca trasmittemu ê ginirazzioni a vèniri». (Cunvinzzioni dû 1972).

Lijami di fora cancia

Rifirimenti: Patrimoine mondial en français