Radio Ga Ga
Artista:  Queen
Tipu album:  7" e 12" sìngulu; CD sìngulu; cassetta
Data dâ nisciuta:  23 di jinnaru 1984 (UK)
7 di frivaru 1984 (USA)
Durata:  5 min 43 s
Album di pruvinenza:  The Works
Gèniri:  Pop rock, Arena rock, Synth pop
Prudutturi:  Queen, Reinhold Mack
Noti:  Pubblicatu comu double a-side nzemi a "I Go Crazy"

#1 (Belgio, Irlanda, Italia, Olanda, Portogallo, Svezia)
#2 (Austria, Girmania, Norveggia, Polonia, UK)
#3 (Australia, Svìzzira)
#4 (Sud Africa)
#6 (Spagna)
#16 (USA)
#89 (Giappuni)
Cumpusituri:  Roger Taylor
Casa discugràfica:  EMI (UK)
Elektra (USA)
Singulu pricidenti:  Back Chat
Singulu succissivu:  I Want to Break Free


« «Era na dumìnica doppupranzu, arrivau me figghiu Felix, era assai nicu... e s'ammunciau a diri: “Radio caca!”, picchì iddu è pi mitati francisi... a mia parìa assai beddu, accussì misi giù a basi e la fici sintiri a Freddie a cui piacìu assai. »


Radio Ga Ga è na canzuna dî Queen, scritta di Roger Taylor e pubbricata nnô discu The Works1984. Fu pubbricata 'n virsioni sìngulu, cu la b-side "I Go Crazy", lu 23 di jinnaru 1984 ntô Regnu Unitu e lu 7 di frivaru 1984 nnî Stati Uniti. La canzuna è prisenti puru ntê compilation Greatest Hits II e Classic Queen.

La canzuna fu scritta di Roger Taylor pigghiannu comu spirazzioni li paroli ditti dû figghiu di lu battirista, è na canzuna dû pirìudu d'oru dâ radiu e pâ nustalgia pi chiddu ca nu tempu vinìa cunziddiratu nu cumpunenti dâ famigghia a tutti li effetti. La canzuna, longa quasi 6 minuti, arrivau ô 2° postu ntâ classìfica ngrisa. Lu sìngulu era nu successu 'n tuttu lu munnu pi lu gruppu, arrivannu ô 1° postu 'n 19 paisi.

Stu branu riporta lu gruppu a li vèrtici di lu successu doppu lu flop causatu dû discu Hot Space, giudicatu troppu diversu di l'àutri, e fu lu primi sìngulu dî Queen ca arrivau ô 1° postu 'n Italia.

Famusa è l'esecuzzioni ô Live Aid quannu Freddie Mercury cantau la canzuna cu battitu dî manu di tutta la genti prisenti ô stadiu di Wembley, cosa ca si ripeti pi tutti li cuncerti dû gruppu.

Vidiu clip cancia

« «Lu vidiu era beddu, cci travagghiammu assai. Tuttu era beddu, cuntimpuraneu, anticchia diversu, mudernu e assai friscu.» »


Lu vidiu, comu è dittu a fini, utilizza pezzi dû film Metropolis di Fritz Lang e fu giratu a Carlton TV Studios e Shepperton Studios, Londra, nnô nuvèmmiru 1983. Lu vidiu mostra lu gruppu dintra na màchina mentri vòlanu ncapu na citati, pi poi spustàrisi a cantari davanti ôn pùbblicu.

Nnô vidiu sunnu prisenti puru pezzi di vidiu d'àutri canzuni (comu “Bohemian Rhapsody, We Are the Champions, Don't Stop Me Now e Flash) 'n un album fotugràficu.

Cover cancia

  • Roger Taylor cantau sta canzuna nzemi a Spike Edney 's SAS Band.
  • Na virsioni pisantimenti mudificata dû branu serbi comu lu nùmmuru ntroduttivu pi We Will Rock You, nu musical fattu dî canzuni dî Queen.
  • Sophie Ellis-Bextor fici nu live-cupirtina di stu sìngulu ô Al Murray Happy Hour, supra ITV .