Santa Silvia

Di Santa Silvia ( ~ 515 520 ? - Roma 3 di nuvèmmiru 590 o 592), Chidda ca ama u voscu è lu significatu etimuloggicu du nomu. nun si canusci l’annu di nascita; tanti citati (Palermu, Missina, Vizzini (CT), Roma),l’hannu pi citatina da nobili famigha Ottavia. Ebbi du soru: Emiliana e Tarsilla, puru iddi Santi. Ebbi pi maritu lu Sinaturi Gurdianu dâ Famigghia Anicia ca era amministraturi di una di setti regioni di Roma.

Santa Silvia na tavula du Santuariu di Vina di Piedimunti Etneu ( CT )

Li diffirenti tradizzioni

Ci sunnu tri tradizioni: palirmitana, rumana, autri. Chidda palirmitana voli ca la casa di S. Silvia, unni pari ca nasciu, fussi unni oj c’è a Cresia di San Grigoriu o Capu, unni c’era un puzzu ‘ntitulatu a idda. Cà cuncipiu lu fighu ca parturiu a Roma, lu futuru Papa San Grigoriu Magnu. Cunsigghiatu di Silvia Gurdianu no 569 arrialau li beni sò du Regnu di Napuli o Monasteriu di Munti Cassinu e so fighu Grigoriu ne tirreni di so matri fici costruiri sei Munasteri n Sicilia (San Martinu di scali; Maria SS. di Gibilmanna ; S. Maria a Vecchia di Licata; S. Maria a Vecchia di Chiaramunti Gulfi, San Giuvanni Evangelista a Modica àvuta, Maria SS. Da Vina a Piedimunti Etneu) l’urtimu a Roma addidicatu a Sant’Andria no tirrenu da stessa Silvia. Oppuru, si tutti li Monasteri eranu ‘m Palermu, unu di setti era San Grigoriu o Capu, comu ancora oj dici la lapidi misa di Agostiniani na stissa Cresia. L’avutri eranu: San Giuvanni di Rimiti, S.Massimu e Sant’Aita no Lucusianu, u Pritorianu, S.Adrianu, S. Giorgiu ‘n Kemonia, San Martinu di Scali.

Autri tradizioni siciliani vonnu u Monasteriu da Vina di Piedimunti Etneu funnatu supra i terri di Santa Silvia. A tavula da Virgini si ferma, duna l’acqua, voli a Cresia; San Grigoriu duna i casi, e Santa Silvia u voscu; autri tirreni di Santa Silvia eranu a Bizzini (CT). Quannu arristau viduva facia na vita semplici e si misi a vesti di l’Oblati binidittini, manciava ligumi e ‘nvitava lu figghiu. Aiutava tutti puvuredda e vidi so figghiu acchianari na Cattidra di San Petru. Muriu lu 3 di nuvèmmiru du 590 o 592. Grigoriu la sippilliu no Monasteriu di Sant’Andria e fici pittari la so fjura ca cruci na manu dritta e lu libru na manu manca ca scritta: L’arma mia vivi e ti lauda; li to giudizi mi aiutanu.

La tradizioni rumana, la fici abitari vicinu lu Munasteriu di Santu Saba supra lu Munti Avintinu, unni vicinu a trasuta c’è l’Oratoriu di Santa Silvia. Di cca mannava o figghiu ligumi cuciuti no na tazza d’argentu ca poi San grigoriu arralau e puvuredda. Unni c’è a Cresia di san Grigoriu o Celiu pari ca ci fussi a antica casa di Gurdianu e Grigoriu ci fici fari a Cresia di S. Andria. No jardinu u Cardinali Cesari Baroniu ci fici fari tri Oratori: S. Andria, Santa Silvia e Santa Barbara.

N’autra tradizioni voli ca Santa Silvia fussi sippilluta a Prinesti (Palistrina), no Munasteriu ‘ntitulatu a idda picchì Santa silvia e lu figghiu Grigoriu arrialaru ê monaci binidittini di Subiacu li tirrina di proprietà da famigha Anicia comu chiddu da Vulturella ca Cresia di Santa Maria (oj Batia di la Menturella). Lu cardinali Cesari Baroniu quanu fici arristaurari a Cresia di Santi Andria e Gregoriu o Celiu, ci misi na pocu di Reliquii da Santa no vicinu Oratoriu.

Cilibbrazzioni

Lu Papa Climenti VIII (1592 - 1605) misi lu so nomi no Martirologiu Romanu. L’Arciviscuvu di Palermu Martinu de Liuni e Cardenas(1650-1655) scrissi a festa di S. Silvia no Calinnariu Palirmitanu no 1653. E’ cilibrata na Arcidiocesi di Palermu comu Memoria obbligatoria; na tutta a Rigiuni Siciliana comu memoria facoltativa.