Scizzia

A Scizzia currispunni a l'aria euro-asiàtica ca nni l'antichità, ntra u sèculu VIII a.C. e u sèculu II d.C. fu abbitata dâ pupulazziuni dî Sciti.

A so pusizziuni e a so 'rannizza canciaru nnô cursu dâ storia ma di sòlitu l'aria signalata di l'autura clàssici cunteni:

• A steppa dû Pontu: Kazakhstan, Russia miridiunali e Ucraina urintali (abbitata dî Sciti di l'uttavu sèculu a.C.);
• L'aria dû Càucasu sittintriunali, cumprinziva macari di l'Azzirbaijan e dâ Giorgia;
• Sarmatia, Ucraina, Bielurussia, Pulonia finu a l'Uceanu Sarmàticu canusciutu macari comu Mari Bàrticu; e
• U Sud di l'Ucraina câ zona dû vasciu Danubbiu e a Burgarìa, ripurtata macari comu Scizzia Minuri.

Nnâ littiratura siciliana

Giuvanni Meli ammintuva sta riggiuni nnô so puema èpicu: Don Chisciotti e Sanciu Panza. Pi dàrini n'idea di n'abbintura chi sta p'accuminzari, cirtamenti chinu di difficurtati, Meli fici na rifirenna a nu locu luntanu, afflittu e abbannunatu. P'accapari sta mmàggini, scrivìu:

Di la Scizzia gnilata era vinutu

a cavaḍḍu a li negghi e li timpesti,

lu mmernu, vecchiu, rìggidu e ngriddutu,

'n cumpagnìa di li venti cchiù mulesti;

Lijami di fora

• Bibbliografìa di Scythia