Thailandia

paisi di l'Àsia

Lu Regnu di Thailandia è nu statu di l'Asia urientali, canusciutu macari cumu Siam, nomu chi appi nzinu a lu 1939. La parola Thailandia diriva di Thai, ca voli diri lìbbiru.
La capitali è Bangkok, la pupulazzioni è di 61miliuna di abbitanti, la supirfici è di 513mila chilòmitri quatrati. Lu re attuali è Rama X.

La bannera di la Thailandia.

Giugrafia cancia

 
La lucalizzazzioni di la Thailandia.

Cunfina cancia

 
Na cascata nni lu Parcu nazziunali Sai Yok.

La Thailandia s'attrova nti la parti cintrali di la pinìsula indo-cinisa e nnâ parti di la pinìsula Malisa. Cunfina a ovist e nord-ovist cu lu Myanmar (Birmania), a nord-est ccu lu Laos, a sud-est ccu la Camboggia e a sud ccu la Malaysia; s'affaccia a lu Mar di li Andamini e a sud-ovest nta lu gulfu di lu Siam a sud.

Lu clima e li carattirìstichi fìsichi cancia

Lu tirritòriu, 'n granni parti chianiggianti, si dilimita a nord e a est di tanti catini muntagnusi, ca agghìcanu a nu màssimu di 2000 metri. A lu centru c'è la granni chianura di lu ciumi Menum, lu cursu d'acqua cchiù mpurtanti di lu Paisi; nti la staggiuni dî chioggi, lu Menum allaca la chianura e addipòsita nu fèrtili limu, pirfettu ppi la cultivazzioni dû risu. Ntra l'àutri ciumi cchiù mpurtanti cc'è lu Mekong, ca scurri ê cunfini cu lu Laos.
'N facci a la Thailandia ci su' assai ìsuli: li cchiù mpurtanti sunnu li Samui (nti lu golfu di Siam) e Phuket (nti lu mari di li Andamini).
Lu clima è trupicali e è nfruinzatu di li monsoni: la staggiuni dî chioggi và di giugnu a uttùviru nti la custa uccidintali e di uttùviru a jinnaru nti chidda urientali.

Storia cancia

Lu primu regnu unitàriu di lu Siam, cu la capitali Ayuyyhaya, veni furmatu nti lu XIV sèculu. Cchiù nn'avanti lu Paisi, ca nun fu mai culunizzatu di li Eurupei, arristau ppi sèculi cuvirnatu di na munarchìa assuluta. Lu nomu di Thailandia venni aduttatu nti lu 1939.
Doppu la secunna guerra munniali, (cummattuta cô Giappuni), la munarchìa addivenni custituzzionali, ma lu Statu è ancura nnî manu dî riggimi militari.

La pupulazioni e li cità cancia

La pupulazzioni è cumpusta di la cchiossai parti dû gruppu di li thai e è di riliggiuni buddhista. Diversamenti di àutri Paisi dâ riggioni, lu ncrimentu pupulari scinnìu assai, a sècutu dî campagni pi la chianificazioni dî famigghi fatti pi cummàttiri la puvirtà e la fami.
La genti si cuncentra 'n particulari ntô sud dû Paisi, la zona cchiù fèrtili, e càmpanu sempri nti li villaggi fatti di casi di lignu custruiti supra li ciumi, li palafitti. Nzina la cità cchiù granni, la capitali Bangkok, è fabbricata ntê rivi di nu ciumi, lu Menam, tantu ca veni chiamata la Vinezia d'urienti. Ccà ci vivi lu 20% dâ pupulazioni.
L'àutri cità su' assai cchiù picciriddi: li cchiù mpurtanti su Chiang Mai, Nakhon Ratchasima e Surat Thani.

L'ecunumìa cancia

Nni l'ùrtimi dicenni l'ecunumìa appi nu nicu sviluppu: l'agricultura è assai pruduttiva, grazzi a li chianuri fèrtili, unni si cultiva risu. Li furesti sunnu ricchi di ligna priggiati, cumu lu teak. Sunnu abbunnanni li risorsi minirarî. Nni l'ùrtimi dicenni lu Paisi appi nu sviluppu di l'attivitati nnustriali. 'N crìscita è macari lu turismu.

Lijami di fora cancia


Paisi dû Munnu | Asia
Mediu Urienti: Arabbia Saudita | Bahrain | Cipru | EAU | Giurdania | Iran | Iraq | Israeli | Kuwait | Lìbbanu | Oman | Palestina | Qatar | Siria | Turchìa | Yemen
Asia cintrali: Afganistan | Armenia | Azzirbaiggian | Giorgia | Kazakistan | Kirghizistan | Russia | Tagikistan | Turkmenistan | Uzbekistan
Suttacuntinenti innianu: Bangladesci | Bhutan | India | Maldivi | Nepal | Pakistan | Sri Lanka
Asia livanti: Cina | Giappuni | Corea dû Nord | Corea dû Sud | Mongolia | Taiwan
Asia dû Sud-est: Brunei | Camboggia | Filippini | Indunesia | Laos | Malesia | Myanmar | Singapura | Thailandia | Timor Est | Vietnam


ASEAN (Association of SouthEast Asian Nations)
Brunei | Camboggia | Indunesia | Laos | Malesia | Myanmar | Filippini | Singapura | Thailandia | Vietnam
Assirvaturi: Papua Nova Guinea


 
Wikimedaglia
Chista è na vuci nzirita nni l'artìculu n vitrina, zoè una dî mègghiu vuci criati dâ cumunità.
Fu arricanusciuta lu 24 di frivaru 2009

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Talìa tutti l'articuli n vitrina