The Show Must Go On

The Show Must Go On
Artista:  Queen
Tipu album:  7" e 12" síngulu; CD
Data dâ nisciuta:  14 di uttùviru 1991
Durata:  4 min 36 s
Album di pruvinenza:  Innuendo
Gèniri:  Hard rock, Glam rock, Art rock, Arena rock
Prudutturi:  Queen, David Richards
Noti:  #2 (Francia, USA)
#6 (Italia)
#7 (Girmania, Ulanna)
#16 (Regnu Unitu)
Cumpusituri:  Brian May
Casa discugràfica:  Parlophone (UK)
Hollywood Records (USA)
Singulu pricidenti:  Headlong
Singulu succissivu:  These Are the Days of Our Lives


The Show Must Go On è na canzuna dî Queen, scritta di Brian May e pubbricata comu dudicèsimu e úrtimu síngulu nnô discu Innuendo1991. Fu pubbricata comu síngulu lu 14 di uttuviru1991 nnô discu Greatest Hits II, 6 simani prima ca Freddie Mercury murissi. Fu una dî rari hit dû repertòriu dû gruppu ca si cci pusizziunau megghiu nnî Stati Uniti (2°) ca nnô Regnu Unitu (16°).

La canzuna cancia

Di prima si pinzava ca sta canzuna fussi nu tistamentu di Freddie Mercury e ca parrassi di lu stati d'animu prima di mòriri, mmeci è na puisía tristi di Brian May. Lu risurtatu finali è tuttavia fruttu di cullabburazzioni di tutti li cumpunenti dû gruppu. La succissioni di l'accordi dâ ntraducimentu (ca si ripètinu pi quasi tutta la canzuna) è difatti òpira di John Deacon, mentri Mercury e Roger Taylor cumplitaru lu testu. Nnî prime virsioni demo dâ canzuna, difatti, diversi tunalità vucali sunni 'n fausettu, picchì troppu àuti. Pi stu mutivu, May pinzava ca Mercury nun putissi cantàrila, a causa dâ malatía. Cu supresa dû stissu May, quannu vinni lu mumentu di riggistrari li parti vucali, Mercury dissi: “Lu fazzu tisoru!”, cantannu la canzuna senza nuddu prubbrema (tuttu chistu doppu aviri bivutu nu biccheri di Vodka).

« The Show Must Go On vinni fora dâ ripruduzzioni di na siquenza effettuata di Roger e Deacon, cu mia ca ncuminzau a travagghiàricci supra. Ô principiu, si trattava sulu di vari accordi misi nzemi, ma sintía dintra di mia ca putía addivintari quarchiccosa di mpurtanti. Accuminciai a parrari puru cu Freddie e, doppu ca cci èramu assittati nzemi, dicidemmu ô tema dâ canzuna, scrivennu li primi versi. Haju sempri pinzatu c'avissi statu mpurtanti fàrila picchì avíamu a chi fari cu còsi ca èranu difficili di discúrriri. Ma nnô munnu dâ música, tuttu si pò fari. »


Vidiu clip cancia

Lu vidiu dâ canzuna è nu culaju dî vecchi vidiu, cuncerti e àutri mumenti dû gruppu (dû 1981 'n poi). Sta scelta fu pigghiata a causa dâ saluti di Mercury, ca s'attruvava nnî so úrtimi 6 simani di vita; Freddie avía già riggistratu lu so úrtimu vidiu lu 31 di maiu 1991, chiddu di These Are the Days of Our Lives, e di tannu li so cunnizziuni físichi èranu pijurati. Lu vidiuo musicali fu giratu di DoRo.

Performance live cancia

La canzuna vinni sunata live lu 20 di aprili1992, duranti lu Freddie Mercury Tribute Concert, cantata dî 3 ristanti cumpunenti dû gruppu, cu Elton John na parti dû cantanti e Tony Iommi ca sunava la chitarra rittímica. La canzuna fu sunata liva puru da li Queen + Paul Rodgers. Dâ so pubbricazioni, la canzuna cumparíu nnô cinema, 'n televisioni e foru fatti assai cover da diversi artisti. Ntô 1997, ô Théâtre National de Chaillot di Parigi li rimanenti Queen cantaru la canzuna cu Elton John e lu Béjart Ballet, la performance è prisenti nnô Greatest Hits III. Chistu fu puru l'úrtimu spittàculu dû bassista John Deacon, ca s'arritirò doppu stu eventu. Ntô 2011, duranti la cirimonia di chiusura dû MTV Europe Music Awards, Brian May e Roger Taylor, cu Adam Lambert, cantaru The Show Must Go On", We Will Rock You e We Are the Champions.