Urganizzazioni Munniali dâ Saluti

La WHO (World Health Organization, ca venia diri Urganizzazioni munniali dâ saluti) spissu abbriviata OMS ntê banni nostri, è n'urganizzazzioni ntirnazziunali e n'organismu spiciali di l'ONU, funnata lu 7 di aprili1948. A stu mumentu la WHO è custituita di 192 Stati membri. La sedi è a Ginevra.

Lu sìmmulu dâ WHO

Lu scopu sò è di purtari tutti li nazzioni a nu liveddu di saluti cchiù àutu pussìbbili. Si òccupa n particulari di cuurdinari li sforzi a liveddu ntirnazziunali pi migghiurari li cunnizzioni di saluti dâ pupulazzioni munniali. L'obbiettivi sunnu di favuriri la lutta contra li maladdìi cuntaggiusi, e speciarmenti ntê paisi cchiù pòviri, e di diffùnniri li raccumannazzioni pi na profilassi tinnenti a evitari la diffusioni dî maladdìi e n'iggieni di vita cchiù sana.