We Are the Champions
| We Are the Champions | ||
|---|---|---|
| Artista: | Queen | |
| Tipu album: | Singulu | |
| Data dâ nisciuta: | 7 di uttuviru 1977 | |
| Durata: | 2 min 57 s | |
| Album di pruvinenza: | News of the World | |
| Gèniri: | Power ballad, Pop rock, Arena rock, Glam rock | |
| Prudutturi: | Queen, Mike Stone | |
| Noti: | Pubblicatu comu double a-side nzemi a We Will Rock You #1 (Francia, Nova Zilanna) #2 (Regnu Unitu, Ulanna) #3 (Canadà, Irlanda) #4 (USA) #11 (Australia) #12 (Austria) #13 (Girmania) #72 (Giappuni) | |
| Cumpusituri: | Freddie Mercury | |
| Casa discugràfica: | EMI (UK) Elektra (USA) | |
| Singulu pricidenti: | Long Away | |
| Singulu succissivu: | Spread Your Wings | |
We Are the Champions è na canzuna dî Queen, d'urìggini pubbricata nnô discu News of the World dû 1977.
La canzuna, scritta di Freddie Mercury, è una di cchiù famusi canzuni rock di tutti li tèmpura, sicuramenti una di cchiù mpurtanti dû gruppu, ca la usaru spissu nna li spittàculi.
Pi la miludìa triunfali e pi lu testu dû riturnello (“Semu li campiuna -semu li campiuna dû munnu”), veni spissu usata comu culonna sunora pi cilibbrari vitturìi spurtivi.
La canzuna, 'n rialtà, fu scritta ntô 1975 e avìa a èssiri misu nnô discu A Night at the Opera. Freddie Mercury pinzava ca la canzuna nun era adatta pi lu discu e nfini nun fu misa nna l'album. Ntô 2009, “We Are The Champions” trasìu nnâ Grammy Hall of Fame. Ntô 2011, nu gruppu di ricircatura scentìficu dìssiru ca la canzuna è la cchiù fàcili di cantari nnâ storia dâ mùsica pupulari.
Nnâ cultura di massa cancia
La canzuna veni usata pi cilibbrari li campiuna di na manifistazzioni. Fù sunata dopu ogni finali dû Campiunatu munniali di palluni, duranti li fistiggiamenti di la squatra vincitrici, dû 1982 a oggi. Pi alcuni sport, comu lu rugby, nun avissi a èssiri usatu, picchì nnâ canzuna è prisenti la frasi "No time for losers" ("Nun cc'è tempu pi li scunfitti"), ca è cunziddirata comu na frasi di disprezzu e pi chissu pocu adatta. Pirò, dû 2003, duranti la primiazzioni dâ finali dâ coppa dû munnu di rugby, vinni sunata sta canzuna.
Cover cancia
- Robbie Williams la cantau cu li rimanenti Queen ntô 2001, pi lu film Lu dèstinu di nu cavaleri.
- Anastacia cantau nu medley di We Will Rock You e We Are the Champions cu li rimanenti Queen ntô 2003, 'n occasioni di nu spittàculu di binificenza pi la lotta contra l'AIDS, lu "46664 Nelson Mandela AIDS Day Concert" (lu nùmmuru assignatu a Mandela duranti la so priggiunìa).
- William Hung cantau la canzuna pi lu discu Hung for the Holidays (2004).
- Gavin DeGraw fici na cover 'n Killer Queen: A Tribute to Queen (2005).
- Li Green Day fìciru na cover' ô Live 8 ntô 2005. Stu gruppu canta spissu sta canzuna nna li cuncerti.
- Puru nnô film Chicken Little (2005), lu protagunista canta la canzuna doppu la vitturìa, ma canciannu li paroli (dicennu I Am The Champion mmeci di We Are the Champions).
- Crazy Frog cantau na cover dâ canzuna 'n uccasioni dû Campiunatu munniali di palluni 2006.
- Nnâ seria tilivisiva Glee lu cast cantau na cover di la canzuna nna l'episodiu di la terza staggiuni "Li nazziunali."