Wikipedia:Zoccu nun mèttiri supra Wikipedia

Poichî Wikipedia duna lìbbiru accessu e pussibbilità di criari o mudificari li sô artìculi, chistu pò fari pinzari ca cuegghiè è lìbbiru di scrìviri zoccu ci pari. La libbirtà di cunzultari, ridiggiri e mudificari è mmeci sulu un menzu uffertu di Wikipedia, nun lu sô fini.
Wikipedia havi cchiuttostu comu scopu chiddu d'èssiri n'enciclopedia di pùbbricu duminiu, lu ca significa ca lu cuntinutu dî sô artìculi havi a èssiri cunciputu unicamenti pi ntenti divulgativi.
E' bonu quinni spiègari zoccu mèttiri e zoccu nun mèttiri supra Wikipedia.

Ccà di siquitu si ndìcanu li principali elimenti ca nun sunnu di mèttiri supra Wikipedia:

  1. Vannalismi (obbiamenti). Cancillari na pàggina o affussàrinni lu cuntinutu 'n quarsiasi modu è n'azzioni nùtili ca fa pèrdiri tempu a cu fa lu vannalismu e a cu rimetti li cosi a postu.
  2. Matiriali prutettu di copyright. Prima di fari un copia e ncolla di quarchi situ assicurativi ch'è ndicata la pussibbilità d'utilizzàrinni libbiramenti lu matiriali. Siddu nun sunnu prisenti ndicazzioni, NUN cupiari: pigghiari spuntu è pirmessu, plaggiari no.
  3. Vuci di dizziunariu. Wikipedia è n'enciclopedia, nun un dizziunariu.
  4. Tesi, pinioni e tiurìi pirsunali o di parti (vidi NPOV e Nenti ricerchi urigginali). Wikipedia è n'enciclopedia e nun un forum, na chat o un newsgroup. Li pàggini di discussioni sunnu ntisi a uspitari nu scanciu di nfurmazzioni ùtili a ammigghiurari l'artìculu cui si rifirìscinu e, puru siddu a li voti è diffìcili, avissiru a ristari distinati a stu scopu.
  5. Curriculum vitae di pirsuni di nun acchiarata nuturitati, pàggini prumuzziunali o cilibbrativi o artìculi biogràfici custituuti comegghiè di sicchi elenchi di dati.
  6. Cummenti ca mèttinu 'n evidenza quarchi erruri nta l'artìculi. Siddu s'attrova n'erruri 'n n'artìculu lu si curreggi e si spiega ntâ rilativa pàggina di discussioni qual era l'erruri. Lassari l'erruri agghiuncènnu allatu na nota ca lu metti 'n evidenza, nun lu fa scumpariri e nun ajuta Wikipedia a crìsciri e ammigghiurari. Siddu putiti spènniri trenta sècunni pi mèttiri 'n evidenza l'erruri, putiti prubbabbirmenti spènniri dui minuti pi curriggìrilu.
  7. Nenti pubbricità. Nun è cunzintutu agghiùnciri un nùmmuru eccissivu di culligamenti sterni a na data sucità, rinchiazzari in toto l'artìculu liggìttimu cu dâ pubbricità, scrìviri artìculi ca mèttinu 'n luci la propia sucità. Li primi dui casi sunnu trattati comu un puru vannalismu e l'artìculi vennu ripurtati â virsioni pricidenti. La majuri parti dî Wikipediani ditesta lu spam, e li spammer vennu trattati cu particulari sivirità. La terza forma veni nurmarmenti gistuta mudificannu l'artìculu 'n modu d'uttèniri un puntu di vista niutrali.
  8. Elenchi di link. Nenti elenchi di link, spiciarmenti ntô corpu di l'artìculu, né sterni, né nterni. N'artìculu havi a èssiri n'artìculu e li link vannu posti â fini: cumprètanu nfatti l'artìculu ma nun lu sustituìscinu.
  9. Micro-stub (o substub). Criari mini-artìculi cu nfurmazzioni scàusi e/o nun sufficienti è vivamenti scunzigghiatu. P'èssiri cunziddiratu abbiatu 'n manera dicurusa n'artìculu havi a cuntèniri arcuni ndicazzioni di basi articulati supra armenu dui, tri, quattru pirìudi di senzu cumpiutu.


La fonti di st'artìculu è la Uichipidìa Taliana:

http://it.wikipedia.org/wiki/Wikipedia:Cosa_non_mettere_su_Wikipedia