Spirali di Ulam
A spirali di Ulam o spirali dî prima (nta autri wikipedii macari ciamata vistitu di Ulam) eni una di li metuda cchiu semprici e beddi ri viriri di graficizzaziuni di nummira prima c'arrivela nu schema suttastanti.
A statu scupertu di lu matimaticu Stanisław Ulam nta lu 1963 mentri stapìa faciennu scarabbocchia supra 'n piezzu ri carta a nu cunvegnu scientificu.
Ulam, tanticchia annuiatu du jornu, strummintau criativamenti nu graficu rigulari di nummira accuminzannu cu l'unu ô centru e nisciennu a spirali.
Puoi circhiau li nummira prima e ci niscìu sta bedda fiùra:
Miravigghiatu vitti ca li nummira circhiata parieunu ca s'alliniaunu cu li linii diagunali.
L'immaggini sutta eni na spirali di Ulam di 200x200 punta, unni li nummira prima sunu nivuri.
Li linii diagunali imergunu chiaramenti cunfirmannu lu schema macari cu nummira prima jauti.
Tutta li nummira prima (iscruriennu lu nummiru dui) su nummira spari.
Siccomi nta a spirali di Ulam li diaggunali adiacenta sunu altirnativamenti nummira pari a spari, unu nun s'avissi a miravigghiari ca tutta li nummira pari stanu nta li diaggunali altirnati nta stu tipu di spirali.
Chiddu ca fa miravigghia eni a tindenza di li nummira prima di stari nta certa diaggunali ca autri.
Li cullauda finu a stura cunfermanu ca ci sunu linii diaggunali macari cu nu munzieddu di nummira inziruti.
Lu schema appari macari si lu nummira a lu centru di partenza nun jeni *1 (e po ssiri macari assai cchiu ranni di l'unu).