Stornelli liunfurtisi
|
Sta pàggina è òrfana, zzuè nun àvi lijami a tràsiri.
Pi favuri, agghiunci na lijami a sta pàggina e scancella st'abbisu. |
Lu stornellu liunfurtisi apparteni a un geniri liricu ccu nna sula strofa ccu du versi. Li du versi su ligati ccu na rima (chiamatu disticu).
Li stornelli si cantavinu na vota sutta lu barcuni ddi la zita a notti prima di maritarisi. Si ncuntravinu na puacu di carusi ccu li strumenti musicali (chitarri, fisarmonichi e tamburelli) e lu zitu cantava li versi a la zita.
Li stornelli erinu sia d'amuri ca di disdegnu, mbasi a 'nsocchi si c'avia a diri a la zita
Stornelli d'amuri
cancia- Fermiti pedi miu avanti un jiri, chistu è lu veru puntu ppi cantari
- Chistu è lu veru puntu ppi cantari, ca amà cantari canzuni d'amuri
- Vinni a cantaiu cca a locu saputu, ca cu mi senti senti resta ncandatu
- Ca amà cantari canzuni d'amuri, ca cu li senti cci veni lu cori
- Sugnu di leonforti oh rocca fina, 24 cannola acqua bona
- Cu assai si nni vivi di sta'acqua bona, sta novi misi ccù la panza china
- 'Ncapu na petra mi vuagghiu assittari, e notti e gghiuarnu scriviri canzuni
- 'Ncapu na petra mi vuagghiu assittari, e nu biccheri i vinu m'ata a dari
- A leonforti avimu na bedda usanza, di scriviri canzuni a prifirenza
- Quannu nascisti tu nasciu na rosa, l'uduri si sintiu ndì la me casa
- Quannu passu di ccà passu pulitu, ccò nfazzulettu russo arraccamatu
- To mamma l'addivau sta lattuca, e iu mi la mangiu sta nzalata
- Vinni a cantaiu ccà ndì stu beddu chianu, ndì la muntata di sant'antuninu
- Bedda ca li facisti li 15 anni, va fatti a truscitedda i imuninni
- Vinni a cantaiu ccadi all'aria fina, a facci frunti di la tramuntana
- Si si curcata miettiti susuta, E 'sti sturnelli ti li metti a nota
- Signorinelli schietti n'un v'affinniti, Ca' su' canzuni di li maritati
- Ca' su' canzuni di li maritati, La notte quannu dormonu queti
- A tia m'arraccumannu lampiuni, quannu passu di cca lustru m'affari
- E mi nnì vaiu e vi salutu a tutti, picciutti nichi e maritati
- E mi nnì vaiu puru in santa paci, dugnu un salutu macari a sta luci
- Sigilla siggillasti a lu me cori, chistu è sigillu ca nun si leva cchiui
Stornellati di disdegnu
cancia- Mi n'ammuraiu di sta donna pazza, la notti ma ddumanna la sozizza
- Bedda pamarattia persi lu sceccu, ora veni cca ca t'ancravaccu
- Affaccia affaccia bedda e piscimi ntô nuachiu, mentri ccu ll'autru ti taliu lu Sti...ssu
- Quannu nascisti tu facci di signa, li to parenti si pigghiaru a pugna
- Di chiddi cuamu a ttia nni fazzu un fasciu, li miattu a culu a ponti e a pò cci pisciu
- Di tutti i sunatura nni fazzu un fasciu, li miattu a culu a ponti e a po ci pisciu
- Bedda quantu hai li minni accussì ranni, cci pò addattari un jiancu di 4 anni
- Dimmi cchi canti a fari vavaluci crudu, ccu na pidata ti rumpu lu culu
- Quantu ti fici lolla e la natura, la pasta longa ti pari scalora
- Oh mamma chi facisti stu tabaranu, ca un sapi quannu agghiorna lu matinu