Surimi

Cu lu tèrmini surimi (擂り身) s'ìnnica un pruduttu cumpostu essinziarmenti di purpa di pisci di Mirluzzu (ginirarmenti Alaska Pollack) e carboidrati cunfizziunatu solitamenti n cilindretti culurati aranciuni e janchi furmati a vari strati di sfogghia di purpa di pisci arrutuliata e tinuta nzèmmula di addinzanti di tipu alimentari.

Li formi cchiù cummircializzati di surimi

Priparazzioni di l'alimentu

La purpa di pisci veni pulita, capuliata e prissata e succissivamenti addizziunata cu polifosfati e zùccari. Lu surimi nurmarmenti veni utilizzatu p'imitari la purpa di crustàcii, ma attuarmenti è prisenti supra li mircati n diversi formi e sapuri (a vastuneddu, a sfogghia arrutuliata, ecc...). Una dî carattirìstichi dû surimi è d'èssiri n'alimentu particularmenti riccu di pruteini e pòvaru di grasci ma cchiuttostu nzapuri. Pi ovviari a chistu, veni spissu addizziunatu cu cunzidirèvuli quantitati di sali, ca pò fàrilu contrainnicati pi l'ipertesi o pi cu soffri di patoluggìi rinali.