Tamil Eelam

Tamil Eelam (Tamil: தமிழ் ஈழம், tamiḻ īḻam) è lu nomu assignatu dû pòpulu tamil, ô statu chi iddi hannu addicchiaratu ndipinnenti ntâ Pruvincia Nord-est di l'ìsula di Sri Lanka. Ilaṅkai (இலங்கை) e Īḻam (ஈழம்) sunnu tutti dui noma Tamil pi tutta l'ìsula.

Situazzioni versu lu 2005, prima dâ fini dâ guerra. Li riparti di Sri Lanka cuntrullati dî LTTE chi fannu parti dû Tamil Eelam. Si vidi li soi status lu Dicèmmiru 2005: li banni russi vennu cuntrullati dî LTTE; li banni aranciuna vennu cuntrullati 'n parti dî LTTE, e 'n parti dû cuvernu sri lankanu; e li banni giarni vennu cuntistati dî LTTE

Tra lu 1990 e lu 2008

Tamil Eelam veni ricanusciutu comu nu statu ndipinnenti sulu dî Tigri di Libbirazzioni di Tamil Eelam (LTTE, o Liberation Tigers of Tamil Eelam pi ngrisi). Li LTTE cuntròllinu ntra 40 a 50% dâ terra cuntistata dû Tamil Eelam. Stamu parrannu dî riparti di Kilinochchi e Mullaiththeevu, la maggiur parti dî riparti di Mannar, Batticaloa eVavuniya e certi zoni dî riparti di Trincomalee e Amparai.

Li banni dû nord e dû livanti dâ Sri Lanka chi vennu cuntrullati dî LTTE cumprènninu nu statu quasi-ndipinnenti, chi havi li soi curti, pulizzìa, forzi armati, navi, forza d'apparecchi, e puru na banca cintrali. Ma st'organizzazzioni nun sunnu ricanusciuti dû cuvernu sri lankanu. Nun hannu lu sò ariuportu stissu e dunca chiddi chi viàgginu forasteri hannu usari l'ariuportu di Colombo.

La fini dâ lutta

Lu 2 di jinnaru 2009 diversi ruccaforti tamil cadunu sutta lu cuntrollu dû cuvernu dû Sri Lanka. Lu 18 di maiu, cu la morti dî capa da guerrigghia, li cummattimenti sunnu addichiarati accapati.

Liami sterni

• Official Nutizzî LTTE - English
• Official Nutizzî LTTE - Tamil
• Eelam
• LTTE Peace Secretariat