Telèfunu

Lu telèfunu o tilèfunu è n'apparecchiu chi pirmetti la cumunicazzioni virbali tra dui utilizzatura. Fu sprummintatu pâ prima vota di Antoniu Meucci chi ni prisintau nu mudellu ntô 1860. Fu però ntô 1876 chi Alexander Graham Bell dipositau lu brivettu ê Stati Uniti, e chi n'appi li vantaggi ecunòmici dirivati dâ mminizioni.

Nu telefunu dâ fini dû XX sèculu.

Pi quasi tuttu lu vintèsimu sèculu la quasi tutalità dî cumunicazzioni tilifònichi passava pi nu filu chi ni trasmittìa lu signali cu mplulsi elèttrichi. Puru siddu ancora òi la cumunicazzioni tràmiti filu è ancora usata, l'utilizzatura benefìcianu òi di la ticnoluggìa chi pirmetti cumunicazzioni senza filu tràmiti na riti di ripititura di signali radiu. L'apparecchiu tilifònicu purtatili chiamati puru tilifuninu pirmetti la cumunicazzioni praticamenti di ogni puntu appartinenti a nu tirritoriu nazziunali.