The Invisible Man (canzuna)
| The Invisible Man | ||
|---|---|---|
| Artista: | Queen | |
| Tipu album: | 7" e 12" sìngulu; cassetta; CD | |
| Data dâ nisciuta: | 7 di austu 1989 | |
| Durata: | 3 min 57 s | |
| Album di pruvinenza: | The Miracle | |
| Gèniri: | Funk New wave Rock | |
| Prudutturi: | Queen, David Richards | |
| Noti: | #4 (Ulanna) #12 (Regnu Unitu) #16 (Italia) #30 (Svìzzira) | |
| Cumpusituri: | Roger Taylor | |
| Casa discugràfica: | EMI, Parlophone | |
| Singulu pricidenti: | Breakthru | |
| Singulu succissivu: | Scandal | |
The Invisible Man è na canzuna dî Queen, scritta di Roger Taylor e pubbricata lu 7 di austu 1989 comu terzu sìngulu nnô discu The Miracle.
La canzuna cancia
La canzuna è cantata 'n granni parti di Freddie Mercury, cu lu cuntribbutu vucali di Taylor. Taylor dissi ca appi la spirazzioni pi criari sta canzuna duranti la littura di un libbru (forsi nu libbru cû stissu nomu dâ canzuna). Sta canzuna signa l'ùnica vota 'n una qualsiasi canzuna dû gruppu unni tutti li cumpunenti sunnu ammuntuati ntô testu. Nnâ cover dâ canzuna fu cantata di Scatman John.
Vidiu clip cancia
Ntô vidiu musicali, nu jocu chiamatu “The Invisible Man” è na parti mpurtanti dû vidiu, nu picciriddu sta jucannu na partita, mentri lu gruppu (tutti vistuti di nìuru), sunnu li cattivi dû jocu. Li cumpunenti dû gruppu tràasinu nnô munnu riali pi assicutari lu picciriddu, mentri iddu cerca di sparari cu controller dû jocu. Mercury spunta 'n diversi lòcura dâ casa e arrinesci a scappari prima ca lu picciriddu lu putissi curpiri. Doppu Mercury nesci dâ guardaroba dû picciriddu câ so banna, John Deacon si leva lu cappeddu di cowboy e lu tira 'n terra. Â fini dû vidiu ammustra lu gruppu arreri dintra ô schermu dâ TV ca sona.