Titulazzioni

Sta pàggina è òrfana, zzuè nun àvi lijami a tràsiri. Pi favuri, agghiunci na lijami a sta pàggina e scancella st'abbisu. Pâ lista cumpleta dî pàggini òrfani, vidi a pàggina dâ catigurìa.

Li titulazzioni sunu upirazzioni d'anàlisi quannitativa ca pirmèttinu di ditirminari la cuncintrazzioni di na certa speci 'n suluzzioni (analita) grazzi a l'effettu di na riazzioni quannitativa (praticamenti cumpreta) c'un riaggenti a cuncintrazzioni canusciuta (titulanti). Naturalmenti s'havi a canùsciri la stichiumitrìa dâ riazzioni usata. Lu titulanti s'havi a jùnciri a picca a picca e s'havi a canùsciri cu sufficenti pricisioni lu sò vulumi; pirciò lu titulanti veni misu cu dusatura tarati (buretti). La junciuta di titulanti havi a èssiri fatta finu a quannu nun s'arriva a lu puntu d'equivalenza, zoè lu puntu unni fu junciuta na quantitati stichiumètrica di titulanti rispettu a l'analita. Lu puntu d'equivalenza è diversu dû puntu finali, ca è lu puntu unni lu sistema nnicaturi, visivu o strumintali, signala â fini dâ titulazzioni. Idearmenti li dù punti avìssiru a cuincìdiri; quannu chissu nun succedi s'havi nu sbagghiu di titulazzioni cchiù o menu mpurtanti a secunnu dî casi.