Tranvia di Santu Austinu
 |
| St'articulu fa parti dâ seria Trasporti e Vìculi |
| Sizzioni Trasporti... |
|
Trasportu di passiggeri
|
| Sizzioni Vìculi... |
|
Menzi di trasportu |
La Tranvia di Santu Austinu era na tranvia a vapuri pi traspurtari lu sùrfuru e li surfarara ntâ mineri di sùrfuru sicilianu di Santu Austinu, ntâ zona dâ chiana dû ciumi Dittainu, 'n Pruvincia di Enna.
Lu 13 di giugnu dû 1883 la custruìu Robert Trewhella (lu mprindituri nglisi) c scopu di putiri mèttiri 'n cumunicazzioni li magazzini Cuticchi, ô cantu dâ stazzioni firruviaria di Raddusa, dâ Firruvia Palermu-Catania, câ stazzioni di Assoru, ca oggi sapemu sintiri comu la Stazzioni di Dittainu p'arrivari ntê zurfari di Santu Austinu ca èranu di so pruprità.
La linia, a scartamentu ridottu di 700 mm, era longa quasi deci chilòmitri e curreva attraversu â valli dû ciumi Dittainu e poi dû vadduni Salitu, passava pâ cuntrada di Mandri janchi e girava di novu versu lu Salitu arrivannu poi ntâ prima dî mineri di Santu Austinu. Lu scalu ferruviariu sirvìa pi arricògghiri li vaguni ca arrivàvanu dî surfari dî Panchi, Puzzu, e di l'àutri zurfari di Aggira. Pi tirari li vaguneddi cc'èranu locumutivi tranviari nicareddi a vapuri cu dui roti soli accuppiati (chi ticnicamenti si sannu sintiri di rodiggiu 0-2-0).