Trasportu firruviariu

Lu trasportu firruviariu è un tipu di trasportu di merci e di pirsùni fattu ccu veiculi ca cùrrunu supra na strata di ferru guidati pi menzu di binàri.

Chistu tipu di trasportu nascìu all'inizziu di l'Ottucentu nta l'Inghilterra supratuttu ppi traspurtàri lu carbuni fora di li minèri. Li primi spirimènti vinniru fattu cu la trazzioni animale, ccu cavaddi e quarchi vota ccu voi mpaiati a dui a dui. La rivoluzzioni principali ca fici addivintari grandi e mpurtanti lu trasportu firruviariu fu la nvinzioni di la locumutiva a vapuri ca pirmittìu lu trasporto sia di viaggiaturi ca di merci a granni distanzi supra treni cumposti di tanti vittùri. Ci vosi pocu tempu pirchì li diligenzi e li carramatti vinissiru misi di cantu e ristarunu sulu ppi li picca distanzi e li trasporti lucali. A la mità di l'Ottucentu già nta tutta l'Europa e nta tanti parti di lu mundu si custruevunu firruvìi pi trasportari granni quantità di pirsuni e di cosi.