Trianculu di Tartaglia

Lu trianculu di Tartaglia (canusciutu puru comu trianculu di Pascal dî francisi, di Newton di l'anglusassuni, o di Khayyam, ntô munnu mussurmanu) è nu metudu pi uttèniri li cuifficenti binumiali dû sviluppu dû binomiu $(a+b)^{n}$ .

Storia

In Italia pigghia lu nomu dû matimaticu italianu dû XVI sèculu Niccolò Tartaglia, chi ni parrau ntî sò scritti. La custruzzioni era pirò già canusciuta a Omar Khayyam e ê cinisi ntô XIV sèculu.

La custruzzioni

La custruzzioni dû trianculu usa n'alguritmu semplici: s'accuminza cu scriviri nu "1". Sutta di iddu, e ê du' lati si scirvunu dui voti lu "1" attorna, furmannu la prima riga. Canuscennu la n esima riga, si pò custruiri la n+1 esima riga, simpricimenti scrivennu sutta di idda, a nu liveddu chi currispunni â posizzioni tra dui nummura di l'ennesima, li nummura chi si uttènunu summannu li dui nummura di supra.

Esempiu

La quarta rica si cumponi dî nummura 1, 4, 6, 4, 1. Chistu significa chi $(a+b)^{4}=a^{4}+4a^{3}b+6a^{2}b^{2}+4ab^{3}+b^{4}.$