Tròttula
(Rinnirizzata di Truòttula)
'N sicilianu l'italiana "trottola" po èssiri chiamata nni maneri diffirenti a sicunna di l'usu. Chista veni nfatti chiamata còcula, sajitta, strùmmula o puru tuppettu
È nu jucàttulu di lignu, di mitallu o di pràstica, a furma di cunu abbuccatu câ punta a vota vasciu. Pi jucàrici abbisogna tiralla cu dicisiuni pi falla girari tunnu tunnu ncapu â punta mitallica.
Cci su' diversi maneri di jittalli, una di chisti è l'accussì-dittu spacca-còcula pi menzu di lu quali i jucatura cchiù sperti su' capaci di jittari cu forza na còcula ncapu a n'autra, arriniscennu certi voti a spaccari a mitati chiḍḍa ca veni pigghiata di supra.